Sonesmelting

in Wikipedia, die vrye ensiklopedie
Jump to navigation Jump to search
Die prinsipe van sonesmelting

Sonesmelting is 'n metode van suiwering en kristalgroei wat in die metallurgie en die vervaardiging van halfgeleiers toegepas word.

'n Staaf onsuiwere, dikwels polikristallyne materiaal word in 'n oond gebring wat stadig ten opsigte van die staaf beweeg word. Hierdeur ontstaan 'n gesmelte sone wat geleidelik deur die staaf beweeg. Aan die koue eindgrens van die sone kristalliseer die materiaal weer, dikwels as 'n eenkristal. Omdat onsuiwerhede gewoonlik beter oplosbaar is in die smelt as in die vastestof, bly dit in die vloeistof agter en is die geherkristalliseerde materiaal suiwerder as die uitgangsmateriaal. Die proses word dikwels herhaal omdat die suiwering nooit 100% effektief is nie.

Die halfgeleiernywerheid het veral uiters suiwer kristalle nodig omdat die elektriese eienskappe van die suiwerheid van die halfgeleierkristal afhang.