Sonpaneel

Sonkragstelsel op 'n dak.

'n Sonpaneel verwys óf na 'n fotovoltaïese module, 'n termiese sonkragpaneel, of om 'n stel van fotovoltaïese (PV) modules wat elektries verbind is en gemonteer is op 'n ondersteunende struktuur.

Bepaling van maksimum uitset van 'n sonpaneel^[1][wysig | wysig bron]

Tipiese kraguitset vir 'n sonpaneel met verskillende weerstande.

Om die maksimum uitset van 'n sonpaneel te bepaal, vereis 'n paar toetse:

Kry 'n paar weerstande met verskillende ohm.
Verbind elkeen van hierdie weerstande apart met die sonpaneel en meet die elektriese stroom (I) en volt (V) oor die weerstand. Stip die data op 'n grafiek V teenoor I (V = y-as en I = x-as).
Die punt waar die grafiek begin val (hierdie punt word ook die "knie" genoem) is gewoonlik die punt van maksimum drywing van die sonpaneel. Dit is waar die produk van V en I maksimum is.

Toets sonpaneel se maksimum uitset/drywing:

'n Sonpaneel se maksimum drywing word gewoonlik agterop gespesifiseer. Om te toets of 'n sonpaneel daaraan voldoen, hoef die toets hierbo nie gedoen te word nie.

'n Sonpaneel se maksimum drywing sal by die knie van die grafiek wees. Dus, kan die weerstand van die stroombaan bereken word by die maksimum punt.

Veronderstel die sonpaneel se maksimum drywing is soos volg gespesifiseer:

18 V
0.68 A
Dus is die maksimum drywing van die sonpaneel = 18 × 0.68 = 12.24 W

Die weerstand wat gebruik is om hierdie kondisies te kry is: V = IR → R = V/I = 18/0.68 = 26.5 Ω

Kry nou 'n weerstand wat effens groter as 26.5 Ω is en meet V en I. Die produk van V en I behoort baie naby aan 12.24 W te wees. Indien dit laer is, beteken dit dat die sonpaneel nie by die gespesifiseerde maksimum drywing uitkom nie. Let wel, 'n weerstand effens groter moet gebruik word, sodat 'n mens links van die knie van die grafiek bly. Indien die weerstand effens kleiner is, gaan jy aan die regterkant van die knie van die grafiek wees en dan gaan die gemete potensiaal aansienlik laer wees en so ook die maksimum drywing. Dit gaan dan moeilik wees om iets sinvol af te lei daaruit.