Sopwith Camel

in Wikipedia, die vrye ensiklopedie
Spring na: navigasie, soek
Sopwith Camel
RAF Sopwith Camel.jpg
'n Sopwith Camel van die Britse Lugmag
Tipe dubbeldekkervliegtuig vegter
Vervaardiger Sopwith Aviation Company
Ontwerp deur Herbert Smith
Nooiensvlug 22 Desember 1916
Bekendstelling Junie 1917
Onttrek Januarie 1920
Hoofgebruiker RFC (RAF), RNAS, AAF
Aantal gebou 5 490

Die Sopwith Camel was 'n Britse dubbeldekker vliegtuig van die Eerste Wêreldoorlog en dit is een van die bekendste vliegtuie van die oorlog. Die vliegtuig is ontwikkel uit die Sopwith Pup wat dit uiteindelik vervang het. Die amptelike naam vir die vliegtuig is Sopwith Biplane F.1 maar het onder sy bynaam bekend geraak.

Ontwikkeling[wysig | wysig bron]

Die eerste prototipe was toegerus met 'n 110 perdekrag Clerget 9Z motor en het te Brooklands sy eerste vlug voltooi op 26 Februarie 1917 en die F.1/3 produksiemodel het onmiddelik gevolg. Die vliegtuig was uiteindelik toegerus met 'n 130 perdekrag Clerget enjin en twee Vickers-masjiengewere. Die Camels was toegerus met 'n verskeidenheid motors behalwe die Clerget 9B ook die Bentley BR1, Gnome Monosoupape en Le Rhône 9j.

As gevolg van die vliegtuig se ontwerp was die gravitasiepunt redelik voor, met die motor, bewapening, vlieënier en brandstof in die voorste 2.17 m van die vliegtuig het dit uitdagings gebied aan die vlieëniers. Eerstens was die kontroles baie sensitief en tweedens kon dit maklik draai as gevolg van die gewig aan die voorkant. Dit het ook tot gevolg gehad dat menige onervare vlieënier in ongelukke betrokke was met die vliegtuig; sommige noodlottig.

Een aksie van die Camel was uniek: Die vliegtuig kon as gevolg van die wringkrag skerp na regs draai; ervare vlieëniers het 'n 270° draai na regs gemaak in stede van net links en kon dit tot hulle voordeel gebruik in luggevegte. Hierdie beweging het sy risiko's gehad; die neus wou net afwaarts neig terwyl 'n links draai die vliegtuig wou laat klim het.

Tydens die Slag van Cambrai in Maart 1918 het kaptein J.L. Trollope van 43 Eskader op 24 Maart ses vyandelike vliegtuie afgeskiet.

Die vliegtuig was amptelik verantwoordelik vir 1,634 slagoffers tydens die oorlog.

Tegniese besonderhede[wysig | wysig bron]

Besonderhede van die Sopwith F.1 Camel:
Item Statistiek
Aantal motors 1
Tipe motor Skroef
Vervaardiger Clerget 9-silinder lugverkoelde enjin
Kraglewering per motor 130 perdekrag
Vlerkspan 8,53 m
Lengte 5,72 m
Hoogte 2,6 m
Vlerkoppervlakte 21,46 m2
Maksimum opstygmassa 659 kg
Maksimum snelheid 188 km/h
Operasionele hoogte 5 790 m
Uithouvermoë 2.5 uur
Klimvermoë 3,050 m in 10 minute, 35 sekondes
Bewapening Twee gesinchroniseerde Vickers 7,7 mm masjiengewere op neus
plus vier 11,35 kg bomme onder die romp.

Bronne[wysig | wysig bron]

  • Collier's Encyclopedia Vol. 23 Bladsy 254.
  • Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9

Sien ook[wysig | wysig bron]

Eksterne skakels[wysig | wysig bron]