SWAPO

South West Africa People's Organisation
SWAPO
Leier	Hifikepunye Pohamba
Gestig	19 April 1960
Hoofkwartier	Hans Dietrich Genscher-straat, Erf 2464, Katutura, Windhoek
Ideologie	Sosialisties
Internasionale affiliasie	Sosialistiese Internasionaal (SI)
Amptelike kleure	blou, rooi, groen
Webblad	www.swapoparty.org

Die South West Africa People's Organisation (SWAPO) is 'n politieke party wat Namibië sedert onanfhanklikheid in 1990 regeer. Dié party is in 1960 deur Toivo ya Toivo en Samuel Nujoma gestig.

Voorheen ‘n Marxisties georiënteerde beweging, staan SWAPO vandag vir die beginsels van veelparty-demokrasie en ‘n gemengde ekonomie. SWAPO was van sy stigting ‘n wettige politieke party van Namibië. As politieke party was hy altyd aktief. Selfs gedurende die VN-monitorplan wat vergaderings met meer as 20 persone verbied het, het SWAPO nog steeds vergader. Die gevolg was dat SWAPO leiers ook gereeld gearresteer was. SWAPO se stemkrag lê hoofsaaklik, maar nie eksklusief, by die Ovambo stam. In Desember 1976 erken die VN Algemene Vergadering SWAPO as die “enkel gesaghebbende verteenwoordiger van die Namibiese bevolking”. Hierdie titel was nie deur ander interne partye erken nie.

SWAPO word vandag deur Hifikepunye Pohamba gelei, die sekretaris-generaal is Me. Pendukeni Ivula-Ithana. SWAPO is 'n volle lid van die Sosialistiese Internasionaal.