Feesdag van Vlaandere: Verskil tussen weergawes
Meervoud vir kategorie name |
Addbot (besprekings | bydraes) |
||
| Lyn 18: | Lyn 18: | ||
[[kategorie: Vlaandere]] |
[[kategorie: Vlaandere]] |
||
[[kategorie: Belgiese feesdae]] |
[[kategorie: Belgiese feesdae]] |
||
[[en:Day of the Flemish Community]] |
|||
[[hu:Flamand közösség napja]] |
|||
[[nl:Feestdag van Vlaanderen]] |
|||
Wysiging soos op 05:39, 9 Maart 2013
Die Feesdag van Vlaandere word jaarliks op 11 Julie in Vlaandere gevier om die oorwinning van 'n Vlaamse leër op 'n Franse strydmag in die sogenaamde Gouesporeslag op 11 Julie 1302 te herdenk. Twee ander Vlaamse feeste, die "Feesdag van die Vlaamse Gemeenskap" en die "Feesdag van die Vlaamse Gewes" val eweneens op 11 Julie.
Geskiedenis
In 1302 het die Franse koning Filips IV 'n strydmag gestuur om die burgers van Brugge te straf wat 'n jaar tevore in opstand teen die Franse kroon gekom en die Franse goewerneur van Vlaandere aangeval het. Na hierdie rebellie is later verwys as die "Goeie Vrydag van Brugge".
Die Franse leër het uit sowat 2 500 ridders en skildknape asook sowat 5 500 infanterie bestaan. Daarenteen het die Vlaminge slegs met 'n burgermag van 9 000 voetvolk teen die Franse te velde getrek.
Op 11 Julie het die twee strydmagte in 'n oop veld buite die Vlaamse stad Kortrijk gebots. Die Franse magte het 'n verpletterende nederlaag teen die Vlaamse infanterie gely. Die Franse bevelvoerder, Robert II van Artois, is omsingel en het op die slagveld gesneuwel, net soos ten minste eenduisend Franse ridders. Weens die groot aantal goue spore, wat op die slagveld versamel is, sou die slag later as "Gouesporeslag" bekend staan.
Die slag is later deur die Vlaamse skrywer Hendrik Conscience in sy werk De Leeuw van Vlaanderen[1] geromantiseer.
Verwysings
- ↑ 'n Vrye Afrikaanse vertaling van dié werk is deur Arséne C.P. Bultinck geskep.