Martin Melck: Verskil tussen weergawes
kNo edit summary |
k + beeld |
||
| Lyn 1: | Lyn 1: | ||
[[Lêer:Martin Melck House 02.jpg|thumb|regs|200px|[[Martin Melck Huis|Martin Melck-huis]] in Strandstraat, Kaapstad]] |
|||
'''Martin Melck''' ([[1723]]-[[1781]]), stamvader van die Melck-familie in [[Suid-Afrika]], was 'n boorling van Memel in [[Oos-Pruise]] (tans [[Klaipėda]], [[Litaue]]) wat hom op [[21 April]] [[1746]] as gekwalifiseerde leerling-messelaar aan die Kaap gevestig en later een van die welvarendste en invloedrykste figure in die [[18de eeu]]se kolonie geword het.<ref>G.A. Cockrell: ''Die lewe van Martin Melck''. In: ''Kleio'', jaargang 33, nommer 1, 2001, bl. 86</ref> |
'''Martin Melck''' ([[1723]]-[[1781]]), stamvader van die Melck-familie in [[Suid-Afrika]], was 'n boorling van Memel in [[Oos-Pruise]] (tans [[Klaipėda]], [[Litaue]]) wat hom op [[21 April]] [[1746]] as gekwalifiseerde leerling-messelaar aan die Kaap gevestig en later een van die welvarendste en invloedrykste figure in die [[18de eeu]]se kolonie geword het.<ref>G.A. Cockrell: ''Die lewe van Martin Melck''. In: ''Kleio'', jaargang 33, nommer 1, 2001, bl. 86</ref> |
||
Wysiging soos op 09:41, 19 Junie 2013
Martin Melck (1723-1781), stamvader van die Melck-familie in Suid-Afrika, was 'n boorling van Memel in Oos-Pruise (tans Klaipėda, Litaue) wat hom op 21 April 1746 as gekwalifiseerde leerling-messelaar aan die Kaap gevestig en later een van die welvarendste en invloedrykste figure in die 18de eeuse kolonie geword het.[1]
Melck het aanvanklik as handlanger op Johann Philipp Giebeler se plaas, as mynwerker by Simonsberg en as kneg op Jacob Cloete se plaas gewerk voordat hy 'n leweransier van boumateriaal geword het. So kon hy dit bekostig om in 1750 self twee plase aan te koop. Ná Giebeler se afsterwe in 1752 het hy met dié se weduwee Anna Margaretha Hop getrou en die eienaar van twee spogplase, Elsenburg en Mulders Vallei, geword.[2] Melck het na die dood van Anna hertrou met nóg 'n weduwee, Maria Rosina Loubser.
Melck het nog meer plase gekoop om, onder andere vanweë sy suksesvolle huwelike met welvarende vroue, een van die grootste bees- en wynboere en die rykste man aan die Kaap te word. Op 6 April 1774 het hy 'n gebou, wat hy in Strandstraat, Kaapstad laat oprig het, aan die plaaslike Lutherse gemeente oorhandig om dit as kerk in te rig. Hy het daarnaas ook erwe vir 'n pastorie en kostershuis aan die kerkgemeente geskenk. Die pastorie staan vandag bekend as die Martin Melck-huis. Dit is tot nasionale gedenkwaardigheid verklaar en huisves tans die Goud van Afrika-museum.