Fikh: Verskil tussen weergawes
Taal |
|
(Geen verskil)
| |
Wysiging soos op 21:55, 7 September 2016
Fiqh (/ fɪk /; Arabies: فقه [fiqh]) is die Islamitiese regswetenskap.[1] Sjaria word deur Moslems beskou as die Goddelike wet van die Koran en die soenna (die leringe en praktyke van die Islamitiese profeet Mohammed) en fiqh is die menslike begrip van die sjaria.[2] Fiqh word deur Islamitiese regsgeleerdes (oelama) uitgebrei en ontwikkel deur interpretasie (ijtihad) van die Koran en soenna. Dit word deur die beslissings (fatwa) van Islamitiese regsgeleerdes geïmplementeer.
Fiqh behandel die nakoming van rituele, morele waardes en sosiale wetgewing in Islam. In die moderne era is daar vier prominente skole (madhab) van fiqh binne die Soennitiese praktyk en twee (of drie) binne die Sjiitiese praktyk. 'n Persoon wat in die fiqh opgelei is, staan as 'n faqih (meervoud fuqaha) bekend.[3]
Bronne
- ↑ Fiqh Encyclopedia Britannica
- ↑ Vogel, Frank E. (2000). Islamic Law and the Legal System of Saudí: Studies of Saudi Arabia. Brill. pp. 4–5. ISBN 9004110623.
- ↑ Glasse, Cyril, The New Encyclopedia of Islam, Altamira, 2001, p.141
