Islam

in Wikipedia, die vrye ensiklopedie
Spring na: navigasie, soek

Islam

Lande met noemenswaardige Islamitiese bevolkings.
Die Ster en Sekel – 'n simbool van die Islam.
Allah in Arabies – 'n simbool van die Islam.

Islam (Arabies: الإسلام, al-ʾIslām) is een van die drie groot monoteïstiese godsdienste, saam met die Christendom en Judaïsme. Volgelinge van die Islam staan bekend as Moslems1.

Die godsdiens steun op die beweerde verligting van die profeet Mohammed, wat sy "goddelike openbarings" in die Koran neergeskryf het, en die Soenna, die mondelinge oorlewering. Albei staan onder die invloed van heidens-Arabiese, Joodse, Christelike en gnostiese tradisies en leerstellings.

Islam is, soos die Christendom en Judaïsme, 'n Abrahamitiese geloof en dus glo Moslems dat Adam, Noag, Abraham, Moses en Jesus heilige profete van Allah is.[1] Moslems glo ook dat die mens in die Laaste Oordeel geoordeel sal word op grond van sy handelinge en dienooreenkomstig na die paradys of die hel gestuur sal word. Vir hulle is daar geen ander god as Allah nie, en Mohammed is sy laaste profeet.[2] Allah beteken letterlik 'die God' in Arabies.

Die land met die grootste Moslem-bevolking is Indonesië.[3] Die grootste Moslem-bevolkings is meestal in Afrika en Asië geleë. Moslems kan hoofsaaklik in twee godsdienstige denominasies verdeel word - Soenniete (75–90%) of Sjiiete (10–20%). Met sowat 1,8 biljoen volgelinge wat soveel as 24% van die wêreldbevolking bevat, is Islam dus die tweede grootste godsdiens. Islam is ook die vinnigste groeiende godsdiens ter wêreld.[4][5][6]

Betekenis van die woord "Islam"[wysig | wysig bron]

Die woord Islam beteken onderwerping en wys op die geloofsbeginsels dat 'n aanhanger van die Islam homself onderwerp aan Allah (God) se wil.

Geskiedenis[wysig | wysig bron]

Vroeë verspreiding van Islam[wysig | wysig bron]

Volgens Moslems is Islam gegrond op God se openbaringe aan die profeet Mohammed. Dié is omstreeks 571 in die stad Mekka in Arabië gebore en het op sowat veertigjarige leeftyd met sy predikings begin.

Koran en Hadith[wysig | wysig bron]

Moslems glo dat die profeet Mohammed God se woorde in die Koran van die aartsengel Gabriël ontvang het. Die Koran is die godsdienshandboek van die Islam. Die aartsengel Gabriël in 'n menslike gedaante aan Mohammed verskyn terwyl hy in 'n grot naby Mekka gemediteer het.

Umayad[wysig | wysig bron]

Gebruike en rituele in Islam[wysig | wysig bron]

Die vyf Pilare van Islam[wysig | wysig bron]

Hoofartikel: Vyf Pilare van die Islam.
  1. Geloof: Die getuienis (Shahadah in Arabies) van die Islamitiese geloof dat daar geen ander God as God bestaan nie, en dat Mohammed sy boodskapper is.
  2. Gebed: Moslems kniel gereeld op 'n gebedmat om vyf keer per dag in die rigting van Mekka te bid. Baie matte het deesdae ook 'n spesiale kompas om vir die bidder aan te dui in watter rigting Mekka is. Gebed staan bekend as Salat in Arabies as Namaz in Persies, Turks en Urdu.[7]
  3. Liefdadigheid: Moslems wat genoeg geld het, moet hulle aalmoese (Zakat in Arabies) aan verarmde mense skenk.
  4. Vas: Tydends die maand van Ramzaan, die negende maand van die Islamitiese jaar (Sawm in Arabies) moet Moslems vas. Na hierdie vas kom die Eid-ul-fitr-fees.
  5. Pelgrimstog (Hajj in Arabies): Moslems moet ten minste vir een keer die stad van Mekkah in Saoedi-Arabië besoek.

Heilige plekke[wysig | wysig bron]

Mekka
Medina

Mekka[wysig | wysig bron]

Die groot moskee in Mekka is om die Ka'bah gebou. In die muur van die Ka'bah is die Swart Steen, wat volgens die Moslems uit die hemel geval het as 'n teken van die eerste verbond tussen God en die mensdom.

Die Ka'bah is Islam se heiligste plek. Elke Moslem wat gesond en vry van skuld is en die reis kan bekostig, moet die pelgrimstog na Mekka minstens een keer in sy lewe onderneem, om die Ka'bah en ander heilige plekke te besoek.

Medina[wysig | wysig bron]

Jerusalem[wysig | wysig bron]

Jerusalem (al-Quds) word in die Islam as 'n heilige plek beskou, aangesien die profeet Mohammed volgens oorlewering na 'n gebed op 'n rots van hier na die hemel opgevaar het. Tot in die jaar 624 bid die Moslems in die rigting van Jerusalem.

Omar, die tweede regmatige kalief, word na die Arabiese verowering van Jerusalem in die jaar 637 deur die patriarg van die stad uitgenooi om by die heilige plekke te bid. Hy wys dit egter van die hand om nie die gevoelens van die christene te krenk nie. Die Islamitiese heersers van Jerusalem belemmer dan ook nog voor nog na die kruistogte die pelgrimstogte van Christelike gelowiges na Jerusalem.

Groeperinge in Islam[wysig | wysig bron]

  • Soenniete
  • Sjiiete
  • Volks-Islam
  • Wahabi
  • Ibadi
  • Salafisme
  • Alawitisme
  • Alevitisme
  • Ahl-e Haqq (Yarsani)

Islamitiese mistisisme[wysig | wysig bron]

Notas[wysig | wysig bron]

  1. Daar word soms na Moslems verwys as "Mohammedane". Die term word egter as beledigend ervaar aangesien dit suggereer dat hulle die profeet Mohammed aanbid, wat nie die geval is nie. Die term het in elk geval in Afrikaans grootliks in onbruik verval.

Eksterne skakels[wysig | wysig bron]

Commons-logo.svg
Wikimedia Commons het meer media verwant aan:

Algemeen[wysig | wysig bron]

Islam in Suid-Afrika[wysig | wysig bron]

Moslemkultuur[wysig | wysig bron]

Islamitiese skakels[wysig | wysig bron]

Opposisie teen Islam[wysig | wysig bron]

Verwysings[wysig | wysig bron]

  1. People of the Book”. Islam: Empire of Faith. PBS. URL besoek op 2010-12-18.
  2. quran.com: [1]
  3. Islam in Indonesia: Contrasting Images and Interpretations, p 68, ‎Kees van Dijk - 2013
  4. PBS - Islam: Empire of Faith - Faith - Islam Today.
  5. Thomas Lippman (2008-04-07). “No God But God”. U.S. News & World Report. URL besoek op 2013-09-24.
  6. "The world's fastest-growing religion is ...", April 4, 2015. URL besoek op 18 April 2015.
  7. The Shia Imami Ismaili Muslims: A Short Introduction - Page 28, Jimmy R. Davis - 2007