|
|
|
Hallo, ek is Racheltjie (soos in ''de Beer'')
Ek is 'n afgetrede Interieurontwerper wat graag 'n bydrae tot Wikipedia wil maak. Ek het ondervinding in sowel die akademiese omgewing as die privaatsektor. Afrikaans is my moedertaal en ek geniet dit om myself daarin uit te druk. Gedurende my professionele lewe het ek myself egter meestal in 'n Engelstalige opset bevind. Binne die Interieurontwerp-vakgebied het ek veral 'n groot liefde en belangstelling in ontwerp en kuns deur die eeue - insluitend meubels, interieurs, argitektuur, kleredrag, en alle soorte kuns. Daarby aansluitend is enige algemene agtergrondgeskiedenis vir my geweldig belangrik en interessant, omdat dit altyd die kuns en ontwerpe van elke tydperk raak. Ek geniet dit om te reis - veral in Europa. Dis pret om artikels van besienswaardighede wat ek self gesien het in Afrikaans te vertaal. Soms vertaal ek sommer lawwe onderwerpe wat my laat glimlag! Ongelukkig is ek tegnies nog baie onbeholpe met die vertaling, en hoop dat ek dit mettertyd sal kan verbeter.
|
