Groot-Brittanje

Satellietbeeld van Groot-Brittanje

Groot-Brittanje (dikwels verkort na slegs Brittanje) is die grootste eiland van die Britse Eilande, die grootste eiland in Europa en die agtste grootste eiland ter wêreld. Dit is geleë aan die weskus van die vasteland van Europa en is die hoofgebied van die Verenigde Koninkryk.

Die term Groot-Brittanje word ook gebruik as 'n politieke term wat die kombinasie van Engeland, Skotland en Wallis beskryf, die drie nasies wat saam die hele eiland beslaan, alhoewel elkeen addisionele kleiner eilande insluit. Die term Brittanje word soms gebruik wanneer Groot-Brittanje bedoel word, en beide word gebruik om na die Verenigde Koninkryk te verwys, wat ook Noord-Ierland insluit. Groot-Brittanje word mees algemeen gebruik as 'n verkorting vir die ellelange "Verenigde Koninkryk van Groot-Brittanje en Noord-Ierland". Alhoewel dit onakkuraat is, word dié afkorting gereeld deur amptelike liggame as sinoniem vir die VK in sommige kontekste gebruik. (Daar word byvoorbeeld na die VK-span wat in die Olimpiese Spele deelneem verwys as 'Team GB', en die VK gebruik die Internasionale nommerplaatkode 'GB').

Staatkundige gebiede geassosieer met Groot-Brittanje

• Die Koninkryk van Engeland
• Die Koninkryk van Skotland
• Die Prinsdom van Wallis

Ander staatkundige gebiede in die Britse Eilande

• Ierland
  • Republiek van Ierland
  • Noord-Ierland
• Eiland Man
• Kanaaleilande

Eksterne skakels

• Know Britain – een verduideliking van die terme "Groot-Brittanje", "Verenigde Koninkryk", ens.
• Administratiewe kaart van Groot-Brittanje