Steyn von Rönge

in Wikipedia, die vrye ensiklopedie
Jump to navigation Jump to search
Steyn von Rönge

Ampstermyn
2010 – tans
Voorafgegaan deur Eugène Terre'Blanche

Persoonlike besonderhede
Geboorte 1955
Politieke party AWB
Kind(ers) 1 seun en 2 dogters

Steyn von Rönge (soms geskryf as Steyn van Ronge) is die president van die Afrikaner Weerstandsbeweging (AWB). Von Rönge was die onderleier van die AWB, maar het die leisels oorgeneem nadat Eugène Terre'Blanche, die vorige president, op 3 April 2010 wreedaardig op sy plaas vermoor is. Hy het voorheen waargeneem as leier van die AWB toe Terre’Blanche in die tronk was. Sy doelwitte is 'n sekuriteitsplan om boere te beskerm teen plaasaanvalle en die vestiging van 'n wit tuisland.

Von Rönge boer met beeste in die Zastron distrik, in die Suid-Vrystaat. Hy het in 1988 by die AWB aangesluit.[1]

Terre'Blanche het na bewering die AWB-leierskap aan beide Von Rönge en Andre Visagie, die AWB se destydse sekretaris-generaal, beloof. Von Rönge kon egter bewys hiervan lewer met 'n faks, onderteken op 12 Maart 2010, met twee getuies waarin Eugene vra dat Van Ronge die leierskap oorneem tot hy van sy hartprosedure herstel het.[2]

Verwysings[wysig | wysig bron]

  1. Ontmoet die nuwe AWB leier, koerant.co.za, besoek op 6 April 2010.
  2. Steyn von Rönge, besoek op 16 Junie 2012