Sturt Klipwoestyn

in Wikipedia, die vrye ensiklopedie
Jump to navigation Jump to search
Sturt Klipwoestyn

Die Sturt Klipwoestyn (voorheen bekend as Sturt se Klipwoestyn) is 'n area in die noordoostelike hoek van Suid-Australië en die suidwestelike hoek van Queensland.

Charles Sturt het in 1844 die gebied dié naam gegee terwyl hy op 'n ekspedisie was om 'n binnelandse see te vind wat hy geglo het in die middel van Australië lê.[1] Die naam kom van die klippe wat sy perd mank laat loop het, en die hoewe van die vee wat hy saamgeneem het afgeslyt het.

Die Sturt Klipwoestyn lê op die Gasonkoepel, wat tussen die duinevelde van die Simpsonwoestyn na die weste, en die Strzeleckiwoestyn na die suidooste toe lê,[2] terwyl die Tirariwoestyn lê na die suid-weste lê.

Landskap[wysig | wysig bron]

Voorbeeld van 'n gibber-vlakte.

'n Groot gedeelte van die landskap word deur oppervlakke met nou-gespasieerde keistene (wat woestynplaveisel of gibber-vlaktes genoem word) bedek. Sturt het voorgestel dat die nou-gespasieêrde keistene (Engels: cobbles) die resultaat was van seestrome wat oor 'n antieke seevloer gestroom het. Dit is egter verkeerd, aangesien die gibber-vlaktes afkomstig is van woestynsandsteenlae wat oorspronklik die area bedek het, en deur die weer verweer is, met slegs die harde gedeeltes wat oorgebly het.[3]

Voorbeeld van gilgai.

Beide ronde en trapsgewyse gilgai (klein, nie-standhoudende mere) kom in die woestyn voor.[4]

Ekologie[wysig | wysig bron]

Die Sturt Klipwoestyn vorm deel van die Tirari-Sturt Klipwoestyn ekostreek.[5] Die woestyn is die tuiste van die Kowari, 'n vleisvretende buideldier (Engels: marsupial). Die Kowari leef in die sandduine, gronderige areas en tydelike moerasareas wat verspreid tussen die gibber voorkom.[6]

Verwysings[wysig | wysig bron]

  1. Michael Cathcart, The Water Dreamers, Text Publishing, 2009
  2. Hesse, Paul P. (2010). "The Australian desert dunefield: formation and evolution in an old, dry, flat continent". In Bishop, P.; Pillans, B. (reds.). Australian Landscapes. Geological Society. p. 152. ISBN 1-86239-314-1. Besoek op 11 Februarie 2013.
  3. Andrew, Goudie (2002). Great Warm Deserts of the World: Landscapes and Evolution. Oxford University Press. pp. 346–347. ISBN 0-19-924515-0. Besoek op 11 Februarie 2013.
  4. Cooke, Ronald U.; Andrew Warren; Andrew S. Goudie (2002). Desert Geomorphology. CRC Press. p. 79. ISBN 0-203-02059-6. Besoek op 11 Februarie 2013.
  5. World Wildlife Fund (2001). "Tirari-Sturt stony desert". WildWorld Ecoregion Profile. National Geographic Society. Verkry op 11 Februarie 2013.
  6. Curtis, Lee (2012). Queenslands Threatened Animals. Csiro Publishing. p. 338. ISBN 0-643-10457-7. Besoek op 11 Februarie 2013.

Eksterne Skakels[wysig | wysig bron]

  • Works by Charles Sturt at Project Gutenberg
  • Natural history of Sturt Stony Desert