Suid-Afrikaanse Onderwysersunie
Die Suid-Afrikaanse Onderwysersunie (afgekort SAOU) (Engels: South African Teachers’ Union), is 'n professionele vakbond wat aanvanklik hoofsaaklik Afrikaanssprekende onderwysers in Suid-Afrika verteenwoordig het.
Die vakbond is in 1905 gestig om Afrikaanssprekende blanke onderwysers in die Kaapprovinsie te verteenwoordig. Dit het ten doel gehad om die salaris- en werksomstandighede van onderwysers te verbeter, om onderwys in die algemeen en die gebruik van die Afrikaanse taal te bevorder.[1] Dit het nie aan die anti-apartheidsbeweging deelgeneem nie.[2]
In 1991 het die vakbond by die Nasionale Professionele Onderwysersorganisasie van Suid-Afrika (NAPTOSA), 'n losse federasie, geaffilieer. Dit het egter in Julie 1996 NAPTOSA se ander Afrikaanssprekende affiliasies, die Natalse Onderwysunie en Onderwysunie van die Oranje Vrystaat, opgeneem en uit NAPTOSA bedank. Dit het aanvanklik sy veldtogte daarop gefokus om eksklusief Afrikaanssprekende skole te bewaar. Die vakbond het besluit om nouer met die hoofstroomvakbondbeweging saam te werk, en het by die Federasie van Vakbonde van Suid-Afrika (FEDUSA) geaffilieer. In 2002 het dit 41 315 lede gehad, wat tot 32 029 in 2011 gedaal het.[3][4] Die vakbond werk saam met NAPTOSA, die Natalse Vereniging van Onderwysersvakbonde en die Professionele Onderwysersunie in die Gekombineerde Vakbonde, vir die doel van erkenning deur die Onderwys Arbeidsverhoudingekamer.[5]
Eksterne skakels[wysig | wysig bron]
- https://www.saou.co.za/ (Amptelike webwerf)
Verwysings[wysig | wysig bron]
- ↑ Gitsham, Ernest; Trembath, James H. (1926). A first account of labour organisation in South Africa (PDF). Durban: E. P. & Commercial Printing. Besoek op 11 April 2021.
- ↑ Kihn, Paul (1993). PLAYERS OR PAWNS?: "PROFESSIONALISM" AND TEACHER DISUNITY IN THE WESTERN CAPE, 1980-1990 (PDF). Cape Town: University of Cape Town. Besoek op 27 April 2021.
- ↑ Govender, Loganathan Velayudam (2008). TEACHERS’ PARTICIPATION IN POLICY MAKING: THE CASE OF THE SOUTH AFRICAN SCHOOLS ACT (PDF). Johannesburg: University of the Witwatersrand. Besoek op 27 April 2021.
- ↑ "COSATU's membership: All the facts". Politics Web. Besoek op 27 April 2021.
- ↑ Zengele, Vincent Thulani (2009). THE INVOLVEMENT OF TEACHER UNIONS IN THE IMPLEMENTATION OF THE EMPLOYMENT OF EDUCATORS’ ACT 76 OF 1998 (PDF). Pretoria: University of South Africa. Besoek op 27 April 2021.