Sutasoma

in Wikipedia, die vrye ensiklopedie
Jump to navigation Jump to search
Sutasoma word deur Kalmasapada op die skouers gedra

Sutasoma is die naam van 'n kakawin ('n lang verhalende gedig in vier reëls) van die digter Mpu Tantular, wat hy onder die bewind van Hayam Wuruk, die belangrikste koning van Majapahit geskryf het.

Sutasoma is 'n bodhisattva, 'n edele mens wat op pad is om 'n boeddha te word. In die verhaal word sy pa koning Mahaketu van Hastina geplaag deur demone wat sy ryk plunder. Die hoofpriester, 'n brahmin, vertel vir hom dat hy moet mediteer voor 'n beeld van Jina, 'n god wat 'n bodhisattva is. As hy dit doen gaan die bodhisattva in die baarmoeder van die koningin en word later gebore as sy seun, Sutosoma.

Kala, beeld in die Mojopahit-museum

As Sutosoma opgroei ontmoet hy in 'n dorp die godin Bhairawi wat aan hom 'n mantra leer. Met hierdie mantra kan hy alle vyandige en kwade magte verslaan.[1] Sutosoma hoor later die verhaal van koning Purusada Op 'n dag was daar geen vleis meer in koning Purusada se ryk, omdat dit almal deur honde en varke opgevreet is. Die koning se kok gaan wanhopig na 'n graf en sny die been van 'n mens wat pas gesterf het en bereid dit vir die koning. Die koning wil daarná net nog mensevleis eet. Later word hy herbore as 'n demoon, wat ook as Kalmasapada bekend is en wat mense vreet.

Sutasoma beleef baie avonture. Hy ontmoet 'n reus met die kop van 'n olifant, Gaja Waktra. Die vrome Sutasoma weier om met hom te veg en mediteer net. 'n Wapen verskyn wat die reus tref. Daarna word Gaja Waktra Sutasoma se eerste dissipel.

'n Tierwyfie wil haar eie jonge vreet, omdat sy groot honger het, maar Sutosoma bied sy eie liggaam as kos aan. Die tierwyfie dood hom, maar die gode herstel hom en die tiers word sy dissipele

Die demoonkoning probeer later Sutasoma aan Kala te offer. Sutasoma verset hom nie. Kala verander in 'n slang wat hom wil insluk, maar Sutasoma bly in sy keel steek en Kala moet opgee.[2]

Uiteindelik verslaan Sutasoma die demoonkoning deur sy geweldloosheid en die demoon moet hom dien.

Verwysings[wysig | wysig bron]

  1. Java Essay: The History and Culture of a Southern Country Masatoshi Iguchi Troubador Publishing Ltd, 2017 ISBN 1784628859, ISBN 9781784628857
  2. Australian museum