TAP Air Portugal

in Wikipedia, die vrye ensiklopedie
(Aangestuur vanaf TAP Portugal)
Jump to navigation Jump to search
TAP Air Portugal
IATA
TP
ICAO
TAP
Roepsein
AIR PORTUGAL
Gestig 14 Maart 1945
Eerste vlug 19 September 1946
Hoofspil Lissabon Portela Lughawe
Sekondêre spille Francisco de Sá Carneiro Lughawe
Fokusstede Madeira Lughawe
Lojaliteitsprogram TAP Victoria
Lughawesitkamer TAP premium lounge
Blue Lounge
Alliansie Star Alliance
Dogtermaatskappye
  • Portugália Airlines
  • PGA Express
Vlootgrootte 63
Bestemmings 88
Slagspreuk Engels: 'With Arms Wide Open'
Portugees: 'De Braços Abertos'
Hoofkantoor Gebou 25, Portela Lughawe
Lissabon, Portugal
Sleutelpersone Fernando Pinto (H.U.B.)
Omset Green Arrow Up Darker.svg € 2,480 miljard (2013)[1]
Netto wins Green Arrow Up Darker.svg € 34 miljoen (2013)[1]
Webtuiste www.flytap.com

Die lugredery TAP Air Portugal, gestig in 1945 as "Trans Portes Aereos Portugueses, SGPS, SA", algemeen bekend as TAP, is die vlagdraerredery van Portugal. TAP Air Portugal is 100% in staatsbesit en het sy hoofkantoor op die Portela Lughawe, Lissabon. Dit is 'n lid van die Star Alliance sedert 14 Maart 2005, dieselfde dag waarop die maatskappy sy 60ste verjaardag gevier het. Sy middelpunt in Lissabon is 'n belangrike Europese poort by die kruispad van Afrika, Suid-Amerika en Noord-Amerika.

Volgens die JACDEC-vliegtuigveiligheidsverslag word TAP Portugal as Wes-Europa se veiligste lugredery aangeslaan en die wêreld se vierde veiligste lugredery, slegs na Qantas, Finnair en Air New Zealand.[2]

TAP se roetenetwerk bestaan uit 88 bestemmings in 38 lande wêreldwyd. TAP bedryf byna 2 000 weeklikse vlugte met 'n vloot van 61 Airbus vliegtuie, en 'n verdere 16 vliegtuie doen diens by die plaaslike filiaalredery, Portugalia Airlines.

In onlangse jare is TAP Portugal agtereenvolgens verkies as die wêreld se voorste lugdiens na Afrika en Suid-Amerika deur die World Travel Awards (WTA), beskou as die "Oscars" van die wêreldtoerisme-industrie.[3]

Verwysings[wysig | wysig bron]

  1. 1,0 1,1 Lucro da TAP sobe para 34 milhões de euros em 2013 RTP Online, 12 Maart 2014
  2. TAP inligtingstuk. (2011-01-14). Verkry op 2013-08-20.
  3. Tap Portugal. (2012-01-12). Verkry op 2013-08-20.


Hierdie artikel is in sy geheel of gedeeltelik vanuit die Engelse Wikipedia vertaal.