Star Alliance

in Wikipedia, die vrye ensiklopedie
Die Star Alliance se kenteken

Die Star Alliance is die wêreld se grootste lugredery alliansie, met sy hoofkwartier in Frankfurt am Main, Duitsland,[1] en word gelei deur Mark Schwab as uitvoerende hoof.[2] Dit is op 14 Mei 1997 gestig, met sy naam en embleem verteenwoordigend van die vyf stigtersrederye. Star Alliance het sedertdien aansienlik gegroei en sy huidige lidrederye sluit in Adria Airways, Aegean Airlines, Air Canada, Air China, Air India, Air New Zealand, All Nippon Airways, Asiana Airlines, Austrian Airlines, Avianca Holdings, Brussels Airlines, Copa Airlines, Croatia Airlines, EgyptAir, Ethiopian Airlines, EVA Air, LOT Polish Airlines, Lufthansa, Scandinavian Airlines, Shenzhen Airlines, Singapore Airlines, Suid-Afrikaanse Lugdiens, Swiss International Air Lines, TAP Portugal, Thai Airways International, Turkish Airlines en United Airlines. Avianca Brasilië, as 'n filiaal van Avianca (wat reeds 'n Star Alliance-lid is), het by Star Alliance in die tweede kwartaal van 2014 aangesluit.[3] Die huidige lede vlieg gesamentlik meer as 18 000 daaglikse dienste. Hierdie vlugte bereik 1 269 lughawens in meer as 192 lande, met 'n jaarlikse volume van 637.6 miljoen passasiers.[4]

Verwysings[wysig | wysig bron]

  1. "Impressum" (in Engels). Star Alliance. Geargiveer vanaf die oorspronklike op 17 Oktober 2015. Besoek op 12 Mei 2013.
  2. "Mark Schwab Appointed New Star Alliance Ceo" (in Engels). Star Alliance. 14 Desember 2011. Geargiveer vanaf die oorspronklike op 4 Oktober 2015. Besoek op 5 April 2012.
  3. "Avianca Brazil to be ready for Star". Flight Global. 15 November 2013. Geargiveer vanaf die oorspronklike op 12 November 2010. Besoek op 10 November 2010.
  4. "Feite en syfers" (PDF). Star Alliance. 31 Maart 2014.



Hierdie artikel is in sy geheel of gedeeltelik vanuit die Engelse Wikipedia vertaal.