Tegniese Dienste-gebou UP

in Wikipedia, die vrye ensiklopedie
Jump to navigation Jump to search

Die oorspronklike Departement Tegniese Dienste op die Hatfieldkampus van die Universiteit van Pretoria was in die suidelike vleuel van die Ou Chemiegebou gevestig. Hierdie vleuel moes gesloop word om plek te maak vir die aanbouings aan die Merensky-biblioteek, en daar is toe besluit om ’n nuwe tuiste vir die Tegniese Dienste Departement te bou op die hoek van Burnett- en Roperstraat. Die gebou is deur Louw van Coppenhagen ontwerp en amptelik in 1975 geopen. Die gebou is ontwerp in die Neo-Brutalistiese styl, soortgelyk aan ander geboue op kampus. In 2000 is ’n deel van die gebou opgeknap om addisionele fasiliteite te huisves. Dit sluit in die Damelin-rekenaarskool, die Laboratorium vir Gevorderde Ingenieurswese en die Tegniese Instituut, sowel as die Sentrum vir Wetenskap en Tegnologie, nou bekend as Sci-Enza, ’n gewilde interaktiewe opvoedkundige wetenskapsentrum. Die Departemente Fasiliteitebestuur en Tegniese Dienste word ook hier gehuisves. [1]

Verwysings[wysig | wysig bron]