Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.
'n Teledrukker van Siemens.
Teledrukker wat tydens die Tweede Wêreldoorlog gebruik is.
'n Teledrukker (Engels: teletypewriter, teletype of TTY: TeleTYpe/TeleTYpewriter) is 'n verouderde elektro-meganiese tikmasjien. Teks wat daarop ingesleutel word, word elders op 'n papierband uitgedruk. Sedert die 1920's het die teledrukker geleidelik Morsekode vervang. Teledrukkers is algemeen deur regerings en tydens militêre operasies gebruik om boodskappe en opdragte oor 'n afstand te versend. Kommunikasie tussen punte is op verskeie maniere bewerkstellig, onder andere deur elektriese verbindings oor telegraafpale, mikrogolfkommunikasie, ens. Die teledrukker is in die 1980's gerekenariseer (sien rekenaarterminaal en rekenaardrukker). Dit is egter gou deur die faksmasjien vervang.
