Telefoontjie

in Wikipedia, die vrye ensiklopedie
Spring na: navigasie, soek
Ja, grootmense kan ook telefoontjie speel.

Telefoontjie is 'n baie eenvoudige speletjie wat binne of buite gespeel kan word. Dit toets en verbeter kinders se luister- en onthouvaardighede.

Hoe die spel werk[wysig]

Die kinders wat saam speel sit almal in 'n kring. Die persoon wat begin, fluister 'n sin of twee in die persoon langs hom/haar se oor. Sonder om die boodskap weer te hoor moet die persoon aan wie eerste gefluister is, die boodskap aanstuur. Die boodskap moet dan die ronde doen totdat dit die laaste persoon bereik. Hy of sy moet dan die boodskap hardop sê. Al belangrike reël is dat die boodskap nie herhaal mag word aan dieselfde persoon nie. Wat jy hoor moet jy aanstuur. Die speletjie verskaf groot vermaak veral by groot groepe want die boodskap wat hardop gesê word is amper nooit dieselfde as die oorspronklike nie. Kinders leer ook dat dit die manier is hoe skinderstories versprei en stertjies kry.

Sien ook[wysig]