Telnet

in Wikipedia, die vrye ensiklopedie
Spring na: navigasie, soek
Internet- en netwerkprotokolle
Toepassingvlak: DNS  FTP  Gopher  HTTP  HTTPS  IMAP  IRC  NNTP  POP3  RTP  SIP  SMTP  SNMP  SSH  SSL  Telnet  UUCP  XMPP
Versendvlak: DCCP  SCTP  TCP  UDP
Netwerkvlak: ARP  ICMP  IGMP  IPv4  IPv6  RARP
Dataskakelvlak: ATM  Ethernet  FDDI  PPP  Token ring  Wi-Fi
volgens die TCP/IP-model

Telnet (TELetype NETwerk) is 'n netwerkprotokol wat gebruikers toelaat om oor 'n netwerk na 'n ander rekenaar aan te teken en die opdraglyn (command line) oor te neem. Die rekenaar waarop die telnetkliënt uitgevoer word funksioneer dan as 'n terminaal van die bediener. Telnet is amptelik in IETF-dokument STD 8 (RFC 854 en RFC 855) gespesifiseer.

Telnetkliënte gebruik gewoonlik TCP/IP-poort 23, maar konneksies op ander poorte is ook moontlik. Telnet kan dus as "handmatige" kliënt vir ander netwerkprotokolle gebruik word. Die gebruiker moet dan self die opdragte invoer en die afvoer van die protokol interpreteer. Dit maak dit ook moontlik om telnet in 'n skript te gebruik.

Geskiedenis[wysig]

Telnet was een van die eerste twee applikasieprotokolle wat op ARPANET gebruik was (die ander een is FTP). Die RFC vir Telnet is op 3 April 1972 deur Jon Postel ingedien. Telnet is sedert die vroeë jare 80s al op Unix-rekenaars beskikbaar.

Veiligheid[wysig]

Telnet word as onveilig beskou omdat alle gegewens, insluitend wagwoorde, as leesbare teks oor die netwerk gestuur word. Vir die rede word dit deesdae al minder gebruik. Baie gebruikers beweeg oor na SSH (secure shell). 'n Veiliger variant van telnet, naamlik SSL-telnet, is voorgestel, maar het nooit regtig van die grond af gekom nie.

Sien ook[wysig]

  • PuTTY, 'n telnet- en SSH-kliënt.

Eksterne skakels[wysig]