The Tombs of Atuan
The Tombs of Atuan
| |
|---|---|
| Skrywer | Ursula K. Le Guin |
| Omslagontwerper | Gail Garraty |
| Land |  Verenigde State |
| Taal | Engels |
| Reeks | Earthsea |
| Genre | Fantasie, Bildungsroman |
| Uitgewer | Atheneum Books |
| Uitgegee | 1971 |
| Medium | Druk (gebind & sagteband) |
| Bladsye | 363 (eerste uitgawe) |
| ISBN | 9780689206801 |
| Voorloper | A Wizard of Earthsea |
| Vervolg | The Farthest Shore |
The Tombs of Atuan is 'n fantasieroman deur die skrywer Ursula K. Le Guin wat die eerste keer in 1970 gepubliseer is in 'n uitgawe van die joernaal Worlds of Fantasy, en daarna in 1971 as 'n boek deur die uitgewer Atheneum Books. Dit is die tweede boek in Le Guin se Earthsea-sekwens of -reeks.
The Tombs of Atuan vertel die storie van Tenar, wat as jong meisie by haar familie weggeneem word om 'n hoë priesteres by die grafte van Atuan te word. Haar eensame bestaan as priesteres word meer betekenisvol wanneer die towenaar Ged, die protagonis van Le Guin se A Wizard of Earthsea, in die geheim by die grafte van Atuan opdaag, om die helfte van 'n talisman wat tussen die ander skatte by Atuan se grafte begrawe is, te steel. Met 'n lokval keer Tenar vir Ged vas in die labirint onder die grafte, maar sy rebelleer dan teen haar geloofsonderrig deur hom lewendig daar te hou. Deur Ged ontdek sy uiteindelik meer oor die buitewêreld, en begin sy ook haar geloof in die "Naamloses" en haar eie rol by Atuan se grafte te bevraagteken.
Net soos A Wizard of Earthsea is The Tombs of Atuan 'n Bildungsroman, wat in hierdie geval bemoei is met Tenar se identiteitsontwikkeling en emosionele groei. The Tombs of Atuan ondersoek temas van gender en mag deur diep te kyk na hoe 'n kultus van vroulike priesters gedienstig is binne 'n patriargale samelewing. Verder hanteer hierdie storie die standaard narratief van 'n heroïese soektog op ongewone maniere, deur gebruik te maak van 'n vroulike held met 'n donker velkleur.
Tenar word uiteindelik ook die protagonis van Le Guin se vierde Earthsea-roman, Tehanu (1990).
