Theodorus Calliopas

in Wikipedia, die vrye ensiklopedie

Theodorus Calliopas (Grieks: Θεόδωρος Καλλιοπάς) was twee keer die eksarg van Ravenna (643–c. 645, 653–voor 666).

Niks is oor Theodorus se eerste termyn bekend nie, behalwe dat hy Isak die Armeniër in 643 opvolg en dat hy in ongeveer 645 deur Plato vervang is.[1]

Na die dood van eksarg Olimpius in 652 is hy egter weer in sy vorige posisie aangestel. Theodorus slaag daarin om die bevele wat aan sy voorganger gegee is uit te voer en Pous Martinus I te arresteer. Die eksarg gaan Rome in 653 binne, waarna hy en 'n afdeling soldate die pous op 15 Junie uit die Lateraanse paleis sleep, en hom op 'n skip na die eiland Naxos stuur.[2] Daarna probeer Theodorus, sonder sukses, om die Romeine te oortuig om 'n nuwe pous te kies; Pous Eugenius I word egter eers die daaropvolgende jaar aangewys. Hy is voor die jaar 666 deur Gregorius as die eksarg opgevolg.

Verwysings[wysig | wysig bron]

  1. Raymond Davis (vertaler), The Book of Pontiffs (Liber Pontificalis), eerste uitgawe (Liverpool: University Press, 1989), p. 67
  2. The Book of Pontiffs, pp. 70f