Tifus
|
|
Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie. Enige vrae of klagtes oor u persoonlike gesondheid behoort na 'n dokter verwys te word. |
| Tifus | ||
| Klassifikasie en eksterne bronne | ||
 | ||
| Uitslag wat veroorsaak word deur epidemiese tifus. | ||
 Mediese waarskuwing |
Tifus is een van verskeie aansteeklike siektes wat deur Rickettsiae veroorsaak word. Die naam is afkomstig van die Griekse woord typhos wat wasig of rokerig beteken en die verstandelike toestand van mense beskryf wat deur die siekte aangetas is. Die organisme wat die siekte veroorsaak is Rickettsia, 'n parasiet wat nie lank buite lewende selle kan oorleef nie. Tifus moet nié met tifuskoors (ook ingewandskoors) verwar word wat 'n heeltemal ander siekte is nie.
Geskiedenis
[wysig | wysig bron]
Die eerste betroubare beskrywing van die siekte dateer uit die Spaanse beleg van Moorse Granada in 1489. Hierdie geskrifte sluit beskrywings in van koors en rooi kolle oor die arms, rug en bors wat vererger tot ylhoofdigheid asook verottende sere en -stank. Tydens die beleg het die Spanjaarde 3 000 man as gevolg van skermutselinge met die vyand verloor, en 'n bykomende 17 000 man het aan tifus omgekom.
Tifus was ook algemeen in tronke (en in enige toestand waar te veel mense opgehoop word en luise maklike versprei) en dit sou dikwels as tronkkoors bekend staan. Dikwels was tronkstraf dan ook as gevolg daarvan in wese 'n doodsvonnis gewees. Die siekte was so aansteeklik dat gevangenes soms almal in die gevangenis aangesteek het.
Eksterne skakels
[wysig | wysig bron]
Wikimedia Commons het meer media in die kategorie Tifus.
