Treeplank

in Wikipedia, die vrye ensiklopedie
Jump to navigation Jump to search
Trompoppies op die treeplank van 'n ou Ford Model A.

'n Treeplank is 'n smal trap onder die deure aan die sykante van 'n voertuig. Treeplanke help mense om in en uit groter voertuie te klim. Dit is tipies van ouer karre, wat 'n groter grondvryhoogte as moderne karre het. Dit word ook algemeen met hoër voertuie, soos bakkies en sportnutsvoertuie gebruik. Soms word dit as 'n mode-item aan motors wat dit die regtig nodig het nie gemonteer. Die eerste treeplanke is so vroeg as die 17de eeu aan waens en koetse geheg.

Die akteur, Arthur Fields staan op die treeplank van 'n motor.

Daar kan ook op treeplanke gestaan word terwyl die voertuig beweeg, hoewel dit nie daarvoor bedoel is nie. Treeplanke is nie-opvoubaar en word van 'n sterk stewige materiaal wat 'n relatief groot gewig kan dra vervaardig. Dit verhoog egter die gewig en windweerstand van die motor, wat tot hoër brandstofverbruik lei.

Stoomlokomotiewe[wysig | wysig bron]

By stoomlokomotiewe is daar gewoonlik 'n treeplank voor die kajuit, aan weerskante van die lokomotief wat bo-oor die wiele strek. Daar word ook 'n handreling aan die bokant van die lokomotief geinstalleer sodat die personeel veilige toegang kan kry na die toerusting buite op die lokomotief terwyl dit ry. Die treeplank word ook gebruik wanneer die lokomotief skoongemaak word of tydens roetine instandhoudings werk.

Eksterne skakels[wysig | wysig bron]