Trias-Jura-uitwissing

Seelewe-uitwissing tydens die Fanerosoïkum % Miljoene jare gelede K–Pg Tr–J P–Tr Laat-D O–S

Die blou grafiek toon die persentasie (nie die werklike getalle nie) van see-genera wat uitgewis is tydens enige tydperk. Dit verteenwoordig nie alle seespesies nie, net dié waarvan fossiele bestaan. Die name van die "Groot Vyf" uitwissings is klikbare hiperskakels. (bron)

Die Trias-Jura-uitwissing dui die grens aan tussen die geologiese periodes Trias en Jura 201,3 miljoen jaar gelede en is een van die "Groot Vyf" uitwissingsvoorvalle in die Aarde se geskiedenis. Dit het ’n enorme impak in die see en op land gehad. In die see het ’n hele biologiese klas (Conodonta)^[1] en 20% van alle families verdwyn. Op land het feitlik alle groot lede van die Crurotarsi (nie-dinosourus-agtige archosourusse) uitgesterf.

Minstens die helfte van alle spesies wat in dié tyd geleef het, is uitgewis. Dit het ekologiese nisse op land vry gelaat van lewe en die dinosouruse in staat gestel om die Aarde tydens die Jurassiese Periode te oorheers. Die uitwissing het minder as 10 000 jaar geduur en het plaasgevind net voordat die superkontinent Pangea begin verbrokkel het.

Verskeie teorieë bestaan oor hoekom die uitwissing plassgevind het, maar almal lei tot onbeantwoorde vrae. Statistiese ontledings van die verlies in die seelewe dui daarop dat dit eerder deur ’n afname in spesievorming veroorsaak is as deur ’n toename in uitwissings.^[2]

Verwysings

↑ The extinction of conodonts —in terms of discrete elements— at the Triassic-Jurassic boundary
↑ Bambach, R.K.; Knoll, A.H.; Wang, S.C. (Desember 2004). "Origination, extinction, and mass depletions of marine diversity". Paleobiology. 30 (4): 522–542. doi:10.1666/0094-8373(2004)030<0522:OEAMDO>2.0.CO;2. ISSN 0094-8373.{{cite journal}}: CS1 maint: date and year (link)

Eksterne skakels

Teorie oor die Trias-Jura-uitwissing Geargiveer 1 Augustus 2017 op Wayback Machine
Meer oor die uitwissing by Nasa Geargiveer 20 Julie 2009 op Wayback Machine

Wikimedia Commons het meer media in die kategorie Trias-Jura-uitwissing.
Hierdie artikel is vertaal uit die Engelse Wikipedia

[1] The extinction of conodonts —in terms of discrete elements— at the Triassic-Jurassic boundary

[2] Bambach, R.K.; Knoll, A.H.; Wang, S.C. (Desember 2004). "Origination, extinction, and mass depletions of marine diversity". Paleobiology. 30 (4): 522–542. doi:10.1666/0094-8373(2004)030<0522:OEAMDO>2.0.CO;2. ISSN 0094-8373.{{cite journal}}: CS1 maint: date and year (link)

[1]

[2]