Tropiese en subtropiese vrugte

In Suid-Afrika is ons baie gelukkig wat vrugte betref. Vanweë ons land se topografie, die seestrome aan ons kunste en die heersende winde is ons klimaat sodanig dat feitlik alle vrugtesoorte hier gekweek  kan word. Vrugte word in drie hoofklasse ingedeel, naamlik tropiese vrugte, subtropiese vrugte; en gematigde klimaat­-vrugte.

Ligging van trope en subtrope

Die tropiese kli­maatstreke lê binne 23½° noord en suid van  die ewenaar (tussen die Kreefskeerkring en die Steenbokskeerkring) en die sub­tropiese  klimaatstreke  ongeveer   tussen  23½° en 35° noord en suid van die ewenaar. Net 'n klein deeltjie van Suid-Afrika lê binne die trope (Limpopoprovinsie noord van Bandolierskop); die oorgrote deel lê in die subtrope. In ons land word tropiese en subtropiese vrugte verbou in die ooskusstreek van Bathurst in die suide tot KwaZulu-Natal in die noorde, en in die Laeveld van Mpumalanga, veral in die  omgewing  van Tzaneen,  Witrivier en Nelspruit.

Streke waar tropiese  vrugte goed aard, word  gekenmerk deur 'n warm, vogtige klimaat en die totale afwesigheid van ryp, terwyl streke waar subtropiese vrugte goed aard, gekenmerk word deur 'n taamlike warm klimaat, 'n taamlike hoë reënval of baie besproeiingswater, en die afwesigheid van strawwe ryp. Daarbenewens moet die grond geskik wees vir die verbouing van hierdie vrugtesoorte en moet genoegsame  arbeid beskikbaar wees.

Tropiese vrugte

Piesangs, papajas, lietjies, mango's, kasjoeneute, vla-appels en kokos­neute

Subtropiese vrugte

Avokado's, sitrusvrugte, koejawels, pynappels, olywe, dadels, grenadellas, persimmons, vye, maka­damianeute, lukwarte en turksvye

Bronnelys

• Kennis, Volume 1, 1980, bl.114-145, ISBN 0-7981-0823-1