Tudia

in Wikipedia, die vrye ensiklopedie

Tudia of Toedija is die vroegste Assiriese koning wat op die Assiriese Koningslys genoem word en die eerste van die 17 "konings wat in tente gewoon het". Volgens die Assirioloog Georges Roux sou hy in die laaste helfte van die 25ste eeu v.C. gelewe het, iewers tussen 2450 en 2400 v.C. Volgens die koningslys is hy opgevolg deur Adamu.[1]

Volgens argeologiese verslae van die vroeë koninkryk Ebla lyk dit of Tudia se bestaan bevestig word deur die ontdekking van ’n tablet waarvolgens hy ’n verdrag vir die bestuur van ’n karum (handelspos) in Ebla se gebied gesluit het met "koning" Ibrium van Ebla (wat, soos nou bekend is, eintlik ’n onderkoning van koning Ishar-Damu was). Dié hele tablet is nou onder verdenking omdat verskeie geleerdes onlangs gereken het die spesifieke verdrag was nie met koning Tudia van Assur nie, maar eerder met ’n onbekende koning van ’n gebied met die naam Abarsal.

Verwysings[wysig | wysig bron]

  1. Georges Roux - Ancient Iraq
  • Georges Roux - Ancient Iraq
  • Edmond Sollberger, "The so-called treaty between Ibla and 'Ashur'", Studii Eblaiti 3 (1980:129-155).
  • Hierdie artikel is vertaal uit die Engelse Wikipedia