Turkish Airlines-vlug 981

in Wikipedia, die vrye ensiklopedie
Jump to navigation Jump to search
Turkish Airlines-vlug 981
Die verongelukte vliegtuig
Die verongelukte vliegtuig
Datum 3 Maart 1974
Oorsaak Vliegtuigontwerpfout: vragdeurmislukking lei tot plofbare dekompressie
Plek van ramp Fontaine-Chaalis, Oise, Frankryk
Sterftes 346 (almal)
Beserings 0
Vliegtuigtipe McDonnell Douglas DC-10-10
Vliegtuigstertnommer TC-JAV
Oorsprong Yesilköy-lughawe, Istanboel, Turkye
Bestemming Lughawe Londen-Heathrow, Londen, Engeland
Passasiers 335
Bemanning 11
Oorlewendes 0

Turkish Airlines-vlug 981 was 'n McDonnell Douglas DC-10 wat neergestort het buite Parys, Frankryk, op 3 Maart 1974, met die dood van al 346 mense aan boord. Op daardie oomblik was die dodelikste vliegtuigongeluk ooit. Dit bly die vierde dodelikste vliegtuigongeluk in lugvaartgeskiedenis, die dodelikste van 'n DC-10, en die dodelikste wat op Franse grondgebied plaasgevind het. Die ongeluk was ook bekend as die Ermenonville-vliegramp, die naam van die bos waar die vliegtuig neergestort het.

Oorsaak[wysig | wysig bron]

Die ongeluk is veroorsaak toe 'n onbehoorlik-toegemaakte vragdeur aan die agterkant van die vliegtuig oopgebreek het, en 'n plofbare dekompressie veroorsaak het wat die kabels wat nodig is om die vliegtuig te beheer geskeur het. As gevolg van 'n bekende ontwerpsfout wat nooit voor, óf ná, die produksie van DC-10s reggestel is nie, het die vraggrendels nie betroubaar gesluit nie, en daar is op handprosedures staatgemaak om te verseker dat hulle korrek gesluit was. Probleme met die grendels het voorheen voorgekom, veral in 'n identiese voorval op American Airlines-vlug 96 in 1972, 'n ondersoek wat getoon het dat die handvatsels van die deur geforseer kan word om te sluit sonder om die klempenne in plek te sluit. Ná afloop van die ramp, is die handvatsels herontwerp en die sluitstelsel aansienlik opgegradeer.

Verwysings[wysig | wysig bron]