Vader Ryp
Vader Ryp (Russies: Морозко, Morozko) is 'n Russiese sprokie wat deur Aleksander Afanasiëf in Russiese Feëverhale versamel is (1855-'63). Die Skotse sprokieversamelaar Andrew Lang het dit as The Story of King Frost ingesluit in The Yellow Fairy Book (1894).[1] Dit is geklassifiseer as Aarne–Thompson tipe 480, "The Kind and the Unkind Girls".[2]
Die Russiese rolprent Morozko van 1964 is op die sprokie geskoei.
Opsomming[wysig | wysig bron]
'n Vrou het 'n dogter, vir wie sy lief is, en 'n stiefdogter, wat sy haat. Eendag gee die vrou haar man opdrag om haar stiefdogter in die winterkoue in die woud in te neem en haar daar te los om dood te gaan. Die man doen dit en los haar onder 'n boom. Vader Ryp kry haar daar en omdat die meisie vriendelik is met hom, gee hy haar 'n kis vol pragtige juweliersware en rokke.
'n Ruk later stuur die stiefma haar man om die dogter se lyk te gaan haal sodat hulle haar kan begrawe. Sy is woedend toe hy met die meisie lewend terugkom en sy pragtige klere aanhet. Die ma raak gierig en gee haar man opdrag om haar eie dogter na dieselfde plek te neem. Toe Vader Ryp haar kry, is sy ongeskik met hom en hy straf haar in plaas daarvan om haar te beloon. Die pa vind haar dood gevries onder die boom en dra haar lyk na die hartseer ma.
In die Grimmweergawe is die vriendelike kind bedek met goue en silwer muntstukke, terwyl die onvriendelike dogter bedek is met modder, sement, meel en pik.
Verwysings[wysig | wysig bron]
- ↑ Andrew Lang, The Yellow Fairy Book,"The Story of King the Frost"
- ↑ Heidi Anne Heiner, "Tales Similar to Diamonds and Toads" Geargiveer 5 September 2012 op Wayback Machine
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
