Verkeer van Denemarke

'n Padteken in Denemarke.

Hierdie artikel handel oor riglyne omtrent die verkeer van Denemarke.

Voertuie

In Denemarke ry alle voertuie aan die regterbaan. Motors en motorfietse moet regdeur die dag hul dompligte (maar nie hul parkeerligte nie) aangeskakel hou. In ’n motor moet alle insittendes ’n sitplekgordel dra. Op die deurpad (en “indien nodig” op ander paaie) moet die flikkerlig gebruik word voordat daar van baan verwissel word.

Tensy padpredikante anders aandui, is die spoedbeperking in dorpe 50 km/h, buitekant dorpe en stede 80 km/h en 130 km/h op die snelbaan (soos deur die padtekens aangetoon). Vragmotors, busse en voertuie met sleepwaens word verbied om vinniger as 70 km/h buitekant dorpe en stede te ry, met die uitsondering van deurpaaie waar 80 km/h toegelaat word.

Rybewys

Rybewys:

• A1 en A2 is vir ’n klein/groot motorfiets.
• B is vir ligte voertuie (hoogstens 3 500 kg, 8 passasiers met die bestuurder en ’n sleepwa met ’n maksimum wettige massa van 750 kg.)
• C is vir vragmotors wat meer as 3 500 kg weeg.
• D is vir ’n bus of motor wat meer as 3 500 kg wees en/of meer as 8 passasiers met die bestuurder vervoer.
• E is vir ’n sleepwa wat meer as 750 kg weeg.
• Die B/E-rybewys laat slegs motors met swaar sleepwaens op die pad toe, selfs al het jy ’n C en/of D-rybewys.
• Die C/E-rybewys laat ’n sleepwa op enige soort voertuig toe.

Nie-voertuigverkeer

Persone wat skaatsplanke en rolskaatse gebruik, word kragtens die wet as voetgangers beskou en moet daarom die sypaadjie gebruik. Dit is verbode om met fietse op die sypaadjie te ry, hoewel dit algemeen voorkom. Sodra fietse in die kruispad reguit vorentoe beweeg kan hulle in die regterkant van die regsdraai-baan of in die regterkant van die baan ry. Motors moet wag totdat die fietse verbygesteek het voordat hulle mag regs draai. Voetgangers wat die sebraoorgang wil oorsteek geniet voorrang.

Elektriese voertuie

Denemarke verkeer in ’n gunstige posisie om onvoorspelbare en wisselvallige energiebronne, soos windkrag, in hul kragnetwerk te integreer. In die lig hiervan poog Denemarke daarin om ’n vervoersektor op die been te bring wat op intelligente batterystelsels (V2G) en inpropvoertuie gefokus is.

Eksterne skakels

• www.trafikken.dk - Deense verkeersinligtingwebwerf (Deens) Geargiveer 9 Augustus 2007 op Wayback Machine
• www.trafikken.dk - Deense verkeersinligtingwebwerf (Engels) Geargiveer 3 Julie 2012 op Wayback Machine