Verwerpte opstyging

in Wikipedia, die vrye ensiklopedie
Jump to navigation Jump to search

In lugvaartterminologie, is 'n verwerpte opstyging of gestaakte opstyging (in lugvaarttaal aangedui deur Rejected Take-Off, afk. RTO) die situasie wanneer besluit word om die opstyging van 'n vliegtuig te aborteer. Daar kan baie redes vir die besluit om 'n verwerpte opstyging uit te voer, maar dis gewoonlik as gevolg van vermeende of werklike tegniese mislukkings, soos 'n enjinstaking tydens die opstyglopie.

'n Verwerpte opstyging word gewoonlik slegs uitgevoer indien die vliegtuig se spoed laer is as die opstygbesluitspoed, bekend as V1, is, wat vir die groter multi-enjinvliegtuie voor elke vlug bereken word. Teen laer as die besluitspoed moet die vliegtuig in staat wees om veilig te kan stop voor die einde van die aanloopbaan. Teen vinniger as die besluitspoed, mag die vliegtuig die aanloopbaan oorskiet as die opstyging gestaak word en daarom word 'n verwerpte opstyging gewoonlik nie bo hierdie spoed uitgevoer nie, tensy daar twyfel bestaan oor die vliegtuig se vliegvermoë.

Indien 'n ernstige staking voorkom (of vermoed word) bo V1, maar die vliegtuig se vermoë om te vlieg word nie betwyfel nie, sal die opstyging kan voortgegaan ten spyte van die noodgeval en die vliegtuigloods sal probeer om so gou as moontlik weer te land.

Vóórdat daar met enige opstyging begin word, word die outoremstelsel van die vliegtuig, indien beskikbaar, op die RTO-modus gestel. Die outoremstelsel sal outomaties maksimaal rem indien die stygvermoë bo 'n bepaalde snelheid tot stolling gereduseer word, of as die straalomkering van die enjin(s) geaktiveer word.

Dit is nie ongewoon vir een of meer bande om pap te word tydens 'n hoëspoed-gestaakte opstyging nie. 'n Deeglike inspeksie van die bande, remme en die onderstel is nodig nadat 'n afgebroke opstyging uitgevoer is. Tydens 'n gestaakte opstyging kom 'n groot hoeveelheid warmte vry uit die remme, weens die omskakeling van kinetiese energie na hitte. Die hitte veroorsaak 'n toename in die bandspanning wat kan lei tot veelvuldige gebarsde bande.

Hierdie artikel is in sy geheel of gedeeltelik vanuit die Nederlandse Wikipedia vertaal.