VizieR

in Wikipedia, die vrye ensiklopedie
Jump to navigation Jump to search

Die katalogusdiens VizieR is ’n sterrekundige diens wat deur die Centre de Données astronomiques de Strasbourg gebied word. Die begin van die diens dateer van 1993, toe dit bekend was as die "Europese Ruimte-inligtingstelsel" (ESIS). Dit het dus ontstaan voordat die internet toegang tot ’n wye netwerk uiteenlopende katalogusse en data gebied het en was aanvanklik bedoel as ’n diens vir die sterrekundegemeenskap.

Die sterrekundige datasentrum in Straatsburg het sterrekundedata jare lank versamel en versprei, en die ESIS-inligting is dus later na dié sentrum oorgedra. VizieR het sedert sy ontstaan ’n verwysingspunt geword vir sterrekundiges wêreldwyd wat dit gebruik vir navorsing oor data wat in sterrekundepublikasies verskyn. Die nuwe VizieR is in 1997 ingestel met beter soekgeriewe en meer data. In Maart 2012 het dit reeds meer as 9 800 katalogusse bevat.[1]

Verwysings[wysig | wysig bron]

Eksterne skakels[wysig | wysig bron]