Voorraadbeheer

in Wikipedia, die vrye ensiklopedie
Spring na: navigasie, soek

Voorraadbeheer is in enige onderneming van belang sodat die aankoopafdeling die hoeveelheid en waarde van voorraad op enige tydstip sonder voorraadopname kan bepaal. Dit moet verseker dat daat altyd genoeg voorraad voorhande is om die nodige verskeidenheid, gehalte en pryse te voorsien.

Die moet beheer oor kospryse en verkoopspryse uitoefen en deur voorraadopname diefstal, veroudering, en skade beheer. Die optimale voorraadvlak is wanneer die totale waarde van die voorraad op sy laagste is sonder die risiko dat die onderneming uit voorraad kan raak. Die koste om voorraad te hou, te verkry, en te hanteer, moet tot die minimum beperk word sonder dat voorraad uitgeput sal raak. Dit skep praktiese probleme. Dit sal groter praktiese waarde hê om perke te plaas waarbinne voorraadvlakke kan wissel.

Die aankoopafdeling moet 'n balans vind tussen die minimum voorraad in die pakhuise en die maksimum voorraad soos vereis deur die verskillende departemente. Die balans kan net verkry word as die aankoopafdeling doeltreffende beheer oor aankope, voorraad in die verskillende departemente, en voorraad in die pakhuise uitoefen.

Voorraadvlakke moet so ekonomies en doeltreffend as moontlik gehandhaaf word om tekorte te voorkom, te voorkom dat té veel voorraad gehou word, die belegging van bedryfskapitaal in vorraad so laag as moontlik te hou, en die koste om voorraad te hou so laag as moontlik te hou.

Die koste om voorraad te hou sluit in:

  • Skade weens bederfde en verouderde produkte
  • Verliese weens diefstal
  • Finansiële kostes: rente op kapitaal, versekeringskoste, ensovoorts.
  • Berginskoste: beligting, verhitting, koelbewaring, elektrisiteit, sekuriteit, huur
  • Administratiewe uitgawes: voorraadrekords, dokumentasie