Vrat

in Wikipedia, die vrye ensiklopedie
Spring na: navigasie, soek
Verskeie vratte op iemand se groottoon.

Vratte is gewoonlik klein, growwe, harde groeisels wat dieselfde kleur as die res van die vel het.[1][2] Daar is gewoonlik geen simptome nie, tensy hulle onder die voete voorkom; hulle kan dan pynlik wees.[2] Wanneer hulle aan die hande en voete aangetref word, kan hulle ander dele van die liggaam ook aantas.[1] Een of baie vratte kan voorkom. Hulle is nie kankeragtig nie.[2]

Oorsaak en diagnose[wysig | wysig bron]

Vratte word veroorsaak deur ’n infeksie deur die menslike papilloomvirus (MPV).[1] Faktore wat die risiko van infeksie kan verhoog, is die gebruik van openbare storte, die werk met vleis, ekseem en ’n lae immuunstelsel.[1][2] Die virus dring vermoedelik die vel binne waar dit effens beskadig is.[1]

’n Paar soorte word aangetref, soos gewone vratte, soolvratte en genitale vratte.[2] Laasgenoemde word gewoonlik seksuseel oorgedra.[3]

Voorkoms en behandeling[wysig | wysig bron]

Sonder behandeling verdwyn die meeste soorte vratte binne ’n paar maande tot ’n paar jaar. Hulle kan behandel word met onder meer salisielsuur wat aan die vel gesmeer word en met hipotermiese behandeling.[1] Genitale vratte word op ander maniere behandel.[2]

Vratte is baie algemeen en die meeste mense kry dit die een of ander tyd.[4] Hippokrates het dit al in 400 v.C. beskryf.[5] Die huidige geraamde voorkoms vir niegenitale vratte onder die algemene publiek is 1-13 persent.[1] Dit kom veral by jong mense voor.[1]

Verwysings[wysig | wysig bron]

  1. 1,0 1,1 1,2 1,3 1,4 1,5 1,6 1,7 (12 Junie 2014) “Warts (non-genital)”. BMJ clinical evidence 2014.
  2. 2,0 2,1 2,2 2,3 2,4 2,5 (30 Julie 2014) “Warts: Overview”.
  3. (13 August 2010) “Warts (genital)”. BMJ clinical evidence 2010.
  4. "Papillomas (Warts) - National Library of Medicine". PubMed Health. Verkry op 2016-11-06. 
  5. (2012) Conn's Current Therapy 2012 (in en). Elsevier Health Sciences. p. 275. ISBN 1455733059. 

Eksterne skakels[wysig | wysig bron]