Vrystelbeheer

in Wikipedia, die vrye ensiklopedie
Jump to navigation Jump to search

Vrystelbeheer is 'n strategie in die materiaalkunde waar 'n chemiese samestelling binne 'n stelsel teen 'n ingeperkte spoed ingevoer (of vrygestel) word.

Vrystelbeheer word toegepas by bemesting, plaagdoders en medisyne. Om 'n chemikalie by 'n spesifieke plek op 'n plant of binne die mens se liggaam te bring, verbeter die kostedoeltreffendheid van die besproeiing- of medisyneverbruik. Sou die gewenste uitwerking langer moet duur, moet die chemikalie voortdurend toegedien word. Om 'n enkele groot dosis toe te dien, verminder wel die verbruiksfrekwensie, maar so 'n handeling kan vergiftiging of ongewenste newe-effekte tot gevolg hê wat by 'n klein dosis onskadelik sou gewees het.

Vrystelbeheer voeg die voordelige uitwerkings saam om met 'n enkele groot dosis, kleiner hoeveelhede oor 'n langer tydperk vry te stel (bietjie-vir-bietjie). Vrystelbeheerde stelsels werk deur die diffusie van 'n chemikalie te verminder binne die stelsel. Vrystelbeheer is ook te vinde binne mikro-enkapsulering of insluitverbindings.

Vrystelbeheerde tablette word tans gebruik om 'n konstante vlak van medisyne heeldagdeur in die bloed te behou.