Wagyu (bees)

in Wikipedia, die vrye ensiklopedie
Jump to navigation Jump to search
'n Wagyu bul
Hoëgraadse Matsusaka-skywe uit die ribgedeelte van Wagyu-beesvleis. Let op die karakteristieke marmering.

Die Wagyu (和牛Wagyū, letterlik "Japannese koei") is enige van vier Japannese vleisbeesrasse.

Wagyubeeste word in verskeie gebiede van Japan onder die gebied se naam versprei. 'n Paar voorbeelde is Matsusaka-, Kobe-, Yonezawa-, Mishima-, Ōmi- en Sanda-beesvleis.

Geskiedenis[wysig | wysig bron]

Japan[wysig | wysig bron]

Japannese swartbeeste op 'n plaas in die noorde van Hyogo-prefektuur.
'n Wagyu-skou in Sasebo, Japan

Daar is vier rasse van die Wagyu: die Japannese swartbees (黒毛和種 Kuroge Washu), Japannese bruinbees (赤毛和種 Akage Washu of Akaushi), Japannese poenskop (無角和種 Mukaku Washu) en die Japannese korthoring (日本短角和種 Nihon Tankaku Washu).[1] Wagyu-beeste se genetiese eienskappe lewer beesvleis wat 'n hoër persentasie van omega-3 en omega-6 vetsure as tipiese beesvleis bevat. Die verhoogde marmering verhoog ook die verhouding van mono-onversadigde vette tot versadigde vette.

Negentig persent van al die vetgemaakte beeste in Japan bestaan uit die Japannese swartbees.[2] Stamme van die Japannese swart sluit Tottori, Tajima, Shimane en Okayama in.[3] Japannese bruinbees, ook bekend as die Japannese rooibees, is die ander groot ras; stamme sluit in Kochi en Kumamoto. Japannese korthorings maak minder as een persent van alle beeste in Japan uit.[4]

Die idee dat die praktyke soos om beeste te maseer of hulle bier te voer vir verbeterde vleiskwaliteit is 'n mite, die gevolg van 'n misverstand.[5]

Verwysings[wysig | wysig bron]

  1. What Is Wagyu?. Japan Meat Information Service Center.
  2. Wagyu Japanese Beef.
  3. Wagyu - What are they? Where did they come from?.
  4. Japanese Shorthorn Cattle.
  5. Professor Kiyoshi Namikawa, Dept. of Animal Sciences, Kyoto University; Kyoto, Japan (1985). Breeding History of Japanese Beef Cattle....