Warmwaterberg

in Wikipedia, die vrye ensiklopedie
Jump to navigation Jump to search
Ligging van Warmwaterberg op 'n kaart (Suid-Afrika)
Warmwaterberg
Warmwaterberg
Die ligging van Warmwaterberg in Suid-Afrika.

Warmwaterberg is 'n warmwaterbron geleë tussen Barrydale en Ladismith in die Klein Karoo.

Die bron is 31 km van Barrydale, by die 33° 45' 55″ suid en 20° 54' 3″ oos en 500 m bo seevlak. Dit is hoog teen Warmwaterberg.

In die oog is die watertemperatuur 45,6°C en daagliks lewer dit 'n 790 000 liter water. Dit bevat yster en mangaan en is effens bruin van kleur. Rondom hierdie oase is die plantegroei maar karig. Somertemperature styg soms baie hoog.

Dit is die tweede warmbron in Suid-Afrika waar 'n 'n rusoord ingerig is. Die ontwikkeling het in 1886 begin en bekende besoekers uit die verlede was sir Walter Hely-Hutchinson en dr. D.F. Malan. Tans is daar nog sober bad- en oornaggeriewe beskikbaar.

Plantegroei[wysig | wysig bron]

Op die Warmwaterberg word 'n dwergvorm van Adromischus leucophyllus aangetref.

Bibliografie[wysig | wysig bron]

  • Booyens, Bun: Bronwaters van genesing. Die tradisionele warmbron-waterkuur in ons volksgeneeskunde. Kaapstad: Tafelberg vir die Raad vir Geesteswetenskaplike Navorsing, 1981. ISBN 0-624-01584-X
  • Waring, Gerald A. en hersien deur Reginald R. Blankenship en Ray Bentall: Thermal springs of the United States and other countries - a summary. Washington: US Government Printing Office, 1965. (Geological Survey Professional Paper 492). Internet-aanlyn beskikbaar.