Waxaklajuun Ub'aah K'awiil

Waxaklajuun Ub'aah K'awiil op Stele B

Waxaklajuun Ub'aah K'awiil (vroeër weergegee as 18 Haas) was 695-738 die koning van die Maja-koninkryk Copán.

Hy het op 6 Julie 695 (9.14.3.6.8) sy vader K'ahk' Uti' Ha' K'awill opgevolg wat die langste regerende koning in Copán se geskiedenis was en wat Copán se grondgebied in die suid-oostelike Maja-gebied uitgebrei het.

Politiek

In dieselfde jaar dat hy die troon bestyg het 695, het 'n groot verskuiwing in die politieke situasie van die Maya-state plaasgevind. Die 26ste heerser van Tikal verslaan die rivaliserende stad Calakmul. Die konflik sou regdeur die grootste deel van Waxaklajuun Ub'aah K'awiil se bewind voortduur totdat die koning van Calakmul in 736 gevange geneem en sy dinastie tot 'n einde gebring word. Dit was 'n groot verskuiwing. In 713 laat die koning nog 'n stele oprig waarop Tikal, Calakmul, Palenque en Copán as die vier belangrikste stede van die laaglande van die Maja genoem word. Self het Copán in 724 sy hegemonie oor die stad Quirigua en die laer vallei van Montagua versterk deur K'ak Tiliw Yoaat op die troon van Quiriga te sit. Hierdie streek was vir Copán van groot ekonomiese belang en die stad het reeds in die 5de eeu Quiriga beheers.

Copán was 'n grenskoninkryk wat baie kontakte gehad het met die nie-Maya-bevolking in die suide daarvan. In 738 verloor Copán 'n oorlog met Quiriga waarby Waxaklajuun Ub'aah K'awiil gedood word. Na hierdie ramp neem nuwe nie-Maya-state vinnig Copán se posisie oor.

Bouwerke

Waxaklajuun Ub'aah K'awiil het begin om Copán se stedelike sentrum op te knap en was 'n produktiewe beskermheer gedurende die res van sy drie en veertig jaar heerskappy. Sy bekendste monumente is die stelae in Copán se Great Plaza (Newsome 2001). Behalwe een (Stela C), is geen van hierdie stelae tot in die derde dekade van sy heerskappy opgerig nie. Tempel 22 is aan die einde van die tweede dekade van sy bewind op 9.14.3.6.8. (in 715) ingewy.

Galery

• 
  Stele B
• 
  Altaar Q
• 
  Altaar en stele D