Wet van Hess

Die Wet van Hess bepaal dat die totale entalpieverandering gedurende die hele verloop van 'n chemiese reaksie onafhanklik is van die volgorde van stappe wat geneem word.

Dit kan verduidelik word deur die volgende voorbeeld:

Voorbeeld

Wat is die verandering in entalpie van die volgende reaksie:

$2C(s)+H_{2}(g)\rightarrow C_{2}H_{2}(g)$

Die verandering in entalpie van die volgende eksotermiese reaksies is bekend:

$C_{2}H_{2}(g)+{\frac {5}{2}}O_{2}(g)\rightarrow 2CO_{2}(g)+H_{2}O(l)\qquad \Delta H=-1299.6kJ/mol$

$C(s)+O_{2}(g)\rightarrow CO_{2}(g)\qquad \qquad \Delta H=-393.5kJ/mol$

$H_{2}(g)+{\frac {1}{2}}O_{2}(g)\rightarrow H_{2}O(l)\qquad \qquad \Delta H=-285.8kJ/mol$

Herskryf die drie reaksies hierbo sodat die som van die reaksies dieselfde gee as die reaksie waarvan ons die verandering in entalpie wil bereken:

$2CO_{2}(g)+H_{2}O(l)\rightarrow C_{2}H_{2}(g)+{\frac {5}{2}}O_{2}(g)\qquad \Delta H=+1299.6kJ/mol$

$2C(s)+2O_{2}(g)\rightarrow 2CO_{2}(g)\qquad \qquad \Delta H=-787.0kJ/mol$

$H_{2}(g)+{\frac {1}{2}}O_{2}(g)\rightarrow H_{2}O(l)\qquad \qquad \Delta H=-285.8kJ/mol$

Indien hierdie drie reaksies bymekaar getel word, kanselleer $2CO_{2}(g)$, ${\frac {5}{2}}O_{2}(g)$ en $H_{2}O(g)$ uit. Die totale verandering in entalpie word bereken as 1299.6 -787.0 - 285.8 = 226.2 kJ/mol

Dus:

$2C(s)+H_{2}(g)\rightarrow C_{2}H_{2}(g)\qquad \Delta H=+226.2kJ/mol$

Dit is dus 'n endotermiese reaksie ('n reaksie wat energie opneem).

Bronnelys

• Chakrabarty, D.K. (2001). An Introduction to Physical Chemistry. Mumbai: Alpha Science. pp. 34–37. ISBN 1-84265-059-9.
• Leicester, Henry M. (1951). "Germain Henri Hess and the Foundations of Thermochemistry". The Journal of Chemical Education. 28 (11): 581–583. Bibcode:1951JChEd..28..581L. doi:10.1021/ed028p581.

Eksterne skakels

• Hess' paper (1840) on which his law is based (op die ChemTeam webwerf)
• 'n Wet van Hess eksperiment