Wikipedia:Aanstuur

in Wikipedia, die vrye ensiklopedie

'n Aanstuur of 'n aanstuurblad is 'n artikel met geen teks wat slegs die leser aanstuur na die werklike artikel. Aansture kan gebruik word om mense aan te stuur van spelfoute, alternatiewe spellings of alternatiewe name na die regte artikel.

'n Aanstuur maak[wysig bron]

Om 'n aanstuur te maak vanaf RSA na Suid-Afrika, plaas die volgende teks in RSA:

#AANSTUUR [[Suid-Afrika]]

Hou in gedagte dat die voorskou u nie sal aanstuur nie.

Aansture kan ook na 'n spesifieke paragraaf van 'n ander artikel verwys:

#AANSTUUR [[Suid-Afrika#Geskiedenis]]

Om 'n bladsy te skuif[wysig bron]

Gebruikers wat die reg daartoe het, kan ook 'n bladsy skuif. Aansture word ook outomaties geskep wanneer iemand dit doen — so word gesorg dat skakels na die ou artikel steeds sal werk. Indien dit nie gewens is nie, kan dit ook verhoed word deur die opsie Los 'n aanstuur agter uit te skakel.

Ongelukkig kan dit ook 'n gemors veroorsaak indien bladsye dikwels sommer net verskuif word. Die beste manier is:

  • Skuif 'n bladsy met 'n aanstuur
  • Gaan na die aanstuurbladsy
  • Kliek op die knoppie "Skakels hierheen" om te sien of daar steeds ander bladsye is wat na die nuwe aanstuur skakel.
  • Besoek sulke bladsye almal om die skakel te wysig en dit na die geskuifde bladsy te laat wys.

Indien dit nie gedoen word nie, ontstaan daar maklik dubbele aansture.

Van die redes om artikels te skuif is:

  1. Spelfoute of tikfoute in die titel
  2. Ander foute in die titel, sien Wikipedia:Titelriglyne.
  3. 'n Ander indeling van die inhoud van bladsye
  4. ens.

Indien 'n spelfout by 'n geheel nuwe bladsy insluip, kan 'n verskuiwing sonder aanstuur miskien beter wees. Indien jy egter wil skuif sonder 'n aanstuur, raadpleeg eers "skakels hierheen" om te sien of daar reeds skakels bestaan.

Dubbele aansture[wysig bron]

Dubbele of driedubbele aansture werk nie en moet daarom verhoed of verwyder word. Indien 'n bladsy sommer geskuif word, bestaan die gevaar dat dit 'n dubbele aanstuur veroorsaak, indien daar al 'n aanstuur bestaan na die bladsy wat geskuif word. Gebruik asseblief die knop "Skakels hierheen" om dit na te gaan en die skakels so te wysig dat dit verhoed word.

Kategorieë[wysig bron]

Dit is moontlik om 'n kategorie by 'n aanstuurbladsy te voeg. Dit word byvoorbeeld gedoen indien die aanstuur 'n wetenskaplike naam van 'n plant of dier is, wat na die Afrikaanse naam verwys. Die wetenskaplike name kom so in hulle eie kategorie tereg waar hulle skuinsgedruk weergegee word indien die bladsy 'n aanstuur is. Sien gerus die Kategorie:Aizoaceae as voorbeeld. Die meeste name is aansture, maar byvoorbeeld "Lithops hookeri" is 'n gewone bladsy omrede hierdie plantjie geen Afrikaanse naam het nie.

Ander riglyne[wysig bron]

Vir volledige riglyne, sien gerus die Engelse blad oor aansture. Vir hulp oor aansture in die MediaWikisagteware, sien asb. die blad oor aansture by meta:Redirect.