Wikipedia:Geen persoonlike aanvalle

in Wikipedia, die vrye ensiklopedie
Jump to navigation Jump to search
Nutshell.png In 'n neutedop: Reageer op die inhoud, nie op die gebruiker self nie.

Persoonlike aanvalle is beslis nie welkom op Wikipedia nie!

Lewer gerus kommentaar op die inhoud van artikels en pleeg oorleg daaroor, maar nie op die skrywers daarvan nie. Persoonlike aanvalle werk demotiverend, en kan 'n negatiewe sfeer tot gevolg hê.

Die feit dat Wikipediane nie oor allerlei sake sal saamstem nie, is heel gesond: dit kan bydra tot meer balans in artikels en 'n hoër kwaliteit. Die belig van 'n onderwerp uit verskillende perspektiewe kan bevorderlik wees vir die neutraliteit van 'n artikel. Inhoudelik kan gebruikers dalk grondig van mekaar verskil, solank mens korrek optree en die Wikipedia-etiquette volg.

Wat word van Wikipediane verwag?[wysig bron]

  • Wees altyd beleefd en sakelik.
  • Hou jou aan Wikipedia:Wikiquette.
  • Werk na konsensus toe.
  • Respekteer die reg van ander om hul mening oor 'n saak te lug. Dit beteken nie dat jy met hulle moet saamstem nie, maar aanvaar dat hul mening van joune mag verskil.
  • Bespreek die feite en hoe dit vertoon kan word, nie die eienskappe van die "ander party" nie.
  • Moet nooit suggereer dat 'n siening onwaar is vanweë die groep wat dit propageer nie.
  • Oorweeg dit om iemand 'n persoonlike e-pos te stuur wanneer 'n debat te persoonlik word.
  • Kyk of ander Wikipediane jou kan help om 'n geskilpunt op te los. Nie om te wen nie, maar om te werk na 'n neutrale artikel.
  • Wees tolerant teenoor ander standpunte, ook as jy nie daarmee eens is nie. Die standpunt van die ander persoon kan wel as marginaal beskou word, maar Wikipedia is tolerant teenoor nie-konvensionele standpunte. Ons strewe dus nie na 'n "polities korrekte" weergawe van die waarheid nie.

Soorte beledigings[wysig bron]

Onderstaande (nie-volledige) lys gee 'n aantal uitinge wat as beledigend gesien kan word:

  • Op 'n negatiewe of twyfelagtige manier na iemand verwys:
    • geloof
    • ras
    • geslag
    • geaardheid
    • uiterlik
    • afkoms
    • intelligensie
    • vaardighede
    • integriteit.
  • Iemand bloot uitskel.
  • Iemand direk of andersins in verband bring met 'n diktator, 'n totalitêre ideologie; of 'n misdadiger noem.

Bedreigings of teistering[wysig bron]

  • Dreig met regsaksie
  • Doodsdreigemente of doodswense.
  • Ongewenste verspreiding van persoonlike gegewens van Wikipediane.
  • Bedreigings of aksies wat Wikipediane aan politieke, religieuse of andere vervolging deur owerhede, werkgewers of andere blootstel.

Sulke aksies mag aanleiding gee tot onmiddellike blokkering deur 'n moderator.



Hierdie artikel is in sy geheel of gedeeltelik vanuit die Nederlandse Wikipedia vertaal.