Wikipedia:Wikiprojek Musikale kunstenaars

in Wikipedia, die vrye ensiklopedie
In 'n neutedop:
  • Daar word gepoog om 'n eenvormige formaat vir artikels oor musikale kunstenaars vas te stel deur middel van hierdie riglyne.
  • Hierdie stel riglyne is presies dit: riglyne. Innovering kan gerus toegepas word, alhoewel daar na konformering tot die algemene formaat gestreef word.
  • Vir alle artikels wat deur hierdie projek gedek word, sien Kategorie:Wikiprojek Musikale kunstenaars.
  • Om musikale kunstenaars wat nog nie deur hierdie projek gedek word nie by die projek te voeg, plaas die sjabloon {{Musikale kunstenaar-artikel}} op die betrokke artikel se besprekingsbladsy.

Hierdie is die projekbladsy wat oor musikale kunstenaars wat poog om 'n handleiding te verskaf by die skep en uitbrei van artikels wat oor musikale kunstenaars handel, asook om riglyne by die gebruik van sjablone en media in hierdie artikels voor te stel. Die Kategorie:Musiek lys artikels wat onder die onderwerp van musiek val en moontlike andere Wikiprojekte wat hulle met musikale afdelings bemoei.

Inligtingskas[wysig bron]

Daar is 'n multigebruiksjabloon beskikbaar vir musikale kunstenaars van enige vorm. Hierdie sjabloon is Sjabloon:Inligtingskas Musikale kunstenaar. Uitgebreide gebruiksaanwysings is op die vg. sjabloonbladsy gelys. Brei dit gerus uit indien die handleiding tekortkominge het (wat waarskynlik is).

Uitleg van artikelinligting[wysig bron]

Inleidende inligting[wysig bron]

'n Artikel word begin met 'n inleidende sin wat die naam van die kunstenaar, die geboorte- en sterfedatums, die geboorte- en sterfteplekke insluit, asook die alternatiewe name waaronder die kunstenaar bekend staan. Basiese inligting soos die groepslede en welke posisie elkeen in die groep vervul, die stigtingsjare en oorsprong (van 'n groep), belangrike redes waarvoor die indiwidu/groep bekend is, esv. word ook in hierdie eerste afdeling van die artikel geplaas. Die naam van die kunstenaar word heel voor in die eerste sin gegee, en in '''vet teks'''.

Die eerste sin van die artikel behoort dus só, bv., te lyk: '''Groepsnaam/indiwidu''' is 'n musikale kunstenaar/musiekgroep/sanger(es)/esv. vanuit [[Oort A]], [[Provinsie B]] ([[Land C]]) wat in 1900 begin musiek maak het en wat al X albums in die ruk-en-rol en barok-genres vrygestel het.

'n Alternatiewe uitleg van die eerste sin is: '''Groepsnaam/indiwidu''' (* 1 Januarie 1950 te [[Oort A]], [[Provinsie B]], [[Land C]], † 31 Desember 1990 te [[Oort A]], [[Provinsie B]], [[Land C]]) is 'n musikale kunstenaar/musiekgroep/sanger(es)/esv. wat in 1900 begin musiek maak het en wat al X albums in die ruk-en-rol en barok-genres vrygestel het.

Daar is dus verskeie maniere waarop die inleidende paragraaf geskryf kan word. Gebaseer op hierdie voorstelle is 'n bydraer dus tot 'n groot mate vry om sy eie kreatiwiteit in sy bydraes in te bring. Daar is geen formaat wat bo 'n ander verkieslik is nie; gebruik diskresie en wees innoverend.

Vas aan hierdie paragraaf of in 'n direk daaropvolgende paragraaf word die kunstenaar of groep beskryf in terme van musiekstyl en tegniek. Beskryf kortliks die ontstaan van die groep, hoe hul styl deur die jare verander het, belangrike gebeurtenisse en die moontlike afsluiting of sterfte van die groep of indiwidu. Los gedetailleerde geskiedkundige inligting vir die lyf van die artikel.

Beelde

Wanneer al hierdie inligting ingevul is, is die inleidende gedeelte van die artikel so-te-sê voltooi. Indien daar nog nie subhofies in die artikel is nie en 'n beeld wil bygevoeg word, voeg dit eerder aan die regterkant by deur direk onder die inligtingskas-wikikode die volgende te skryf: [[Lêer:voorbeeld.jpeg|thumb|right|250px|Onderskrif vir die beeld.]] 250px is 'n aanvaarde beeldgrootte (dit verwys na die hoeveelheid pixels in die breedte van die beeld (die lengte kan dus onbeperk wees, aangesien beelde op skaal vergroot of verklein word), maar beelde moet liefs nie wyer as 250px wees nie. Indien die 250x| uitgelaat word, sal 'n kleiner weergawe, die verstek duimnael, weergegee word.

Neem kennis

Al hierdie inleidende inligting word reg onder die inligtingskas in die artikel geplaas en daar word geen opskrif vir hierdie inligting verskaf nie. Een wit reël word ná die inligtingskas in die bronteks gelaat om leesbaarheid vir toekomstige bydraers te vergemaklik. Wanneer die inligting gestoor word, sal die inligtingskas dus aan die regterkant van die bladsy verskyn, en die inleidende inligting sal onder die artikelnaam en links van die inligtingskas verskyn.

Indien die enigste inligting in die artikel van inleidende aard is, sê ons die artikel is nog 'n {{saadjie}}, wat beteken dat gebruikers nie net vry is nie, maar eerder aangemoedig word, om die artikel uit te brei. Om aan te dui dat die artikel 'n saadjie is, plaas {{saadjie}} direk onder 'n oop reël wit spasie onder die laaste inligting (gewoonlik die lys eksterne skakels), byvoorbeeld:

== Eksterne skakels ==
* [http://www.musiekgroep.co.za Amptelike webwerf] {{af}}

{{saadjie}}

Uitleg van tegniese inligting[wysig bron]

Kategorisering[wysig bron]

Ons poog om alle artikels by Wikipedia te kategoriseer. Daar bestaan 'n vasgestelde hiërargie van kategorieë en 'n vasgestelde formaat van kategorietitels. Vir musikale kunstenaars onderskei ons tussen twee tipes: die musikant, en die musiekgroep. Om 'n artikel oor 'n musikant of 'n musiekgroep te kategoriseer, dui ons ook die nasionaliteit (nie die oorsprong of geboorteplek nie) van die kunstenaar in die kategorietitel aan. Die meervoudsvorm word ook by kategorietitels gebruik, en in hierdie geval sal 'n artikel oor 'n musikale kunstenaar dus onder Kategorie:Musici of Kategorie:Musiekgroepe val.

Voorbeeld

'n Artikel oor 'n musiekgroep wat in Suid-Afrika gebaseer is, word bv. onder Kategorie:Suid-Afrikaanse musiekgroepe gekategoriseer. Die kategorie-wikikode word direk bo die interwiki-skakels en direk onder die laaste artikelinligting (gewoonlik 'n lys eksterne skakels of 'n sjabloon soos {{saadjie}} (of ander sjablone) geplaas. Bv:

== Eksterne skakels ==
* [http://www.musiekgroep_a.co.za Amptelike webwerf] {{af}}

{{saadjie}}

[[Kategorie:Suid-Afrikaanse musiekgroepe]]

[[en:Musiekgroep A]]

Daar is verskeie kategorie. Gaan kyk onder Kategorie:Musiekgroepe en onder Kategorie:Musici of daar reeds 'n gepaste kategorie bestaan om die artikel onder te kategoriseer. Indien nie, skep 'n kategorie deur die kategorie op die artikel in te voeg, die wysigings te stoor, en dan onder aan die artikel op die kategorie (wat in rooi skrif vertoon behoort te word om aan te dui dat dit nog nie bestaan nie) te klik en op dáárdie kategoriebladsy die gepaste kategorieë in te vul. Dit is gewoonlik die kategorieë vir die land en die tipe musikale kunstenaar (musiekgroep of musici). Die nuwe kategorie wat jy geskep het, bv. Kategorie:Zimbabwiese musici, word dus 'n subkategorie van Kategorie:Zimbabwe en Kategorie:Musici deur die volgende kode op Kategorie:Zimbabwiese musici in te vul:

[[Kategorie:Musici]]
[[Kategorie:Zimbabwe]]

Kategorieë word alfabeties gelys. Indien onsekerheid voortbestaan, vra 'n verbeterde verduideliking op hierdie bladsy aan deur op die hierdie besprekingsbladsy dit so te versoek, of sien hoe die kategorieë onder Kategorie:Musiekgroepe en Kategorie:Musici gekategoriseer is as voorbeeld.

Volledige sjabloon[wysig bron]

Hierdie artikeluitleg kan gekopieer word om 'n nuwe saadjie of artikel te begin.

{{Inligtingskas Musikale kunstenaar
|Naam              = 
|Foto              = 
|Foto-grootte      = 
|Foto-onderskrif   = 
|Agtergrondkleur   = solo
|Geboortenaam      = <!-- Slegs vir indiwidue -->
|Alias             = 
|Oorsprong         = <!-- Gebruik slegs as geen geboorteplek beskikbaar of indien oorsprong van geboorteplek verskil -->
|Geboortedatum     = <!-- Slegs vir indiwidue -->
|Geboorteplek      = <!-- Slegs vir indiwidue -->
|Sterftedatum      = <!-- Slegs vir indiwidue -->
|Sterfteplek       = <!-- Slegs vir indiwidue -->
|Beroep            = 
|Genre             = 
|Tipe stem         = 
|Instrumente       = 
|Aktiewe jare      = 
|Uitgewer          = 
|Invloede          = 
|Webwerf           = 
|Huidige_lede      = 
|Gewese_lede       = 
|Assosiasies       = 
|Logo              = 
}}

Inleidende inligting aangaande geboortedatum en -oord, waarvoor die persoon of handeling bekend is, noemenswaardige prestasies wat die entiteit behaal het en pryse wat die entiteit gewen het, en so voorts.

== Vroeë lewe ==
Inligting aangaande die geskiedenis direk na die geboorte van die indiwidu en voordat die indiwidu se musiekloopbaan aangevang het.

== ''Album 1'' (1950) ==
Geskiedenis vir die tydperk rondom ''Album 1''.

Musikale inligting rondom ''Album 1''.

== ''Album 2'' (1960) ==
Geskiedenis vir die tydperk rondom ''Album 2''.

Musikale inligting rondom ''Album 2''.

== Diskografie ==
* ''Album 1'' (1950)
* ''Album 2'' (1960)

== Verwysings ==
<references />

== Eksterne skakels ==
* [http://www.hoofwerf.com Amptelike webwerf] {{en}}
* [http://www.myspace.com/persoon1 MySpace-profiel] {{en}}

=== Musiekvideo's ===
* [http://www.youtube.com/h1245hf= "Snit 1" op YouTube]

{{saadjie}}

[[Kategorie:]]

[[en:]]