Wilton House

in Wikipedia, die vrye ensiklopedie
Jump to navigation Jump to search
Die suidfasade van Wilton House

Wilton House is 'n Engelse country house (herehuis) naby Salisbury in Wiltshire. Die huis dien sedert meer as 400 jaar as die landelike setel van die grawe van Pembroke.

Die eerste gedokumenteerde gebou op die terrein van Wilton House was 'n klooster wat omstreeks 871 deur koning Egbert van Wessex gestig is. Danksy die vrygewigheid van koning Alfred die Grote, wat landerye aan die klooster geskenk het, het dit later welvarend en invloedryk geword. Toe die klooster gedurende die regentskap van koning Hendrik VIII ontbind is, was sy invloed en welvaart al besig om te kwyn. Nadat die Kroon beslag op die abdy gelê het, het koning Hendrik dit in 1544 saam met sy landerye aan William Herbert, 1ste graaf van Pembroke geskenk.