Wolf, wolf, hoe laat is dit?

in Wikipedia, die vrye ensiklopedie
Spring na: navigasie, soek

Wolf, wolf, hoe laat is dit? word buite op 'n grasperk gespeel waar daar baie plek is om rond te hardloop. Daarom help dit met kinders se fiksheid asook om hul reaksietempo te ontwikkel.

Weergawe 1[wysig | wysig bron]

Hierdie weergawe word meestal in Suid-Afrika gespeel. Dit begin deurdat die kinders in 'n ry agter mekaar staan. Die persoon wat voor staan is aangewys as die wolf. Die wolf bepaal dan die roete wat geloop word terwyl die res van die kinders (ook bekend as die skape) agterna loop. Terwyl hulle loop sal die skape in een stem uitroep: "Wolf, wolf hoe laat is dit?" waarop die wolf dan enige tyd kan uitroep. Dit hou dan so aan totdat die wolf besluit om "Etenstyd!" uit te roep, waarna die skape moet probeer om nie deur die wolf gevang te word nie. Die persoon wat deur die wolf gevang is word dan die nuwe wolf.

Weergawe 2[wysig | wysig bron]

Hierdie weergawe kom meestal voor in Engeland en die V.S.A. aldus met die naam "What's the time mister wolf?" In dié weergawe staan die skape en die wolf 'n paar meter uit mekaar uit. Die skape vra steeds "Wolf, wolf, hoe laat is dit?" Die verskil kom in waar die wolf antwoord: as die wolf sê dit is 5 uur, byvoorbeeld, moet die skape vyf treë na die wolf gee. As hy sê 2 uur, dan moet hulle twee treë gee ensovoorts. Dit mag dalk gebeur dat van die skape sentimeters beweeg of dalk baie groot treë vorentoe gee. Dit hang maar af hoe braaf die kinders mag wees. Die wolf mag ook kies om met sy/haar rug na die skape te staan om die vang 'n verrassing te maak.

Sien ook[wysig | wysig bron]