Yorktown-klas vliegdekskip

USS Enterprise

Die Yorktown-klas was 'n klas van drie vliegdekskepe wat vir die Amerikaanse Vloot gebou en net voor die Tweede Wêreldoorlog voltooi is. Die drie skepe was die USS Yorktown (CV-5), USS Enterprise (CV-6) en die USS Hornet (CV-8). Hulle is gebou onmiddellik nadat die USS Ranger (CV-4), die Vloot se eerste volwaardige vliegdekskip, in diens gestel is. Lesse geleer uit die omskakeling van twee kruisers na Lexington-klas vliegdekskepe is ook gebruik in die ontwerp van die Yorktown-klas. Die twee Lexington-klas vliegdekskepe is vernietig as deel van die Vlootverdrag van Washington - 'n wapens beperkende ooreenkoms.

Dié drie skepe het die swaarste gedra aan die gevegte in die Stille Oseaan gedurende 1942 en twee van die drie is uiteindelik gekelder: die Yorktown tydens die Slag van Midway en die Hornet tydens die Slag van Santa Crus-eilande.

Die USS Enterprise, die enigste oorlewende skip van die klas, is die Amerikaanse Vloot se skip wat die meeste toekennings gekry het tydens die Tweede Wêreldoorlog. Nadat poging om haar as 'n museum skip te bewaar misluk het, is sy verkoop as skroot in 1958.