YouTube-speelknoppie

in Wikipedia, die vrye ensiklopedie
Jump to navigation Jump to search

YouTube Creator Rewards (Engels vir  skeppertoekennings),[1] meer algemeen bekend as YouTube Play Buttons (speelknoppies), is 'n erkenning deur YouTube vir die mees populêre kanale op die platform. Dit is apart van die YouTube-toekennings wat bedoel is om die beste gehalte-video's te erken; die YouTube Skepperbelonings is uitsluitlik gebaseer op 'n kanaal se intekenaartal.

Daar is drie vlakke van belonings —

  1. Die Diamandspeelknoppie, vir kanale met 10,000,000 intekenaars
  2. Die Goue-speelknoppie, vir kanale met 1,000,000 intekenaars
  3. Die Silwerspeelknoppie, vir kanale met 100,000 intekenaars

Geskiedenis[wysig | wysig bron]

By VidCon 2012 se bedryfsdag, het YouTube se uitvoerende hoof, Tim Shey, die Goue-speelknoppie bekendgestel. Dit word toegeken aan die skeppers met meer as een miljoen intekenaars.[2] Tydens die aankondiging het 78 kanale gekwalifiseer vir die toekenning.[3] Daarbenewens het Shey aangekondig dat kanale met meer as 100,000 mense 'n $500 geskenkkaart sal ontvang en 'n DSLR-kamera.[2][3] Kanale met meer as 100,000 mense sou later in aanmerking kom om 'n Silwerspeelknoppie te ontvang.[1][4]

Drie jaar later, tydens die VidCon 2015, het YouTube se vise-president vir produkbestuur, Matthew Glotzbach aangekondig dat die Diamand-speelknoppie bekendgestel is, en dat dit toegeken sal word aan kanale met meer as tienmiljoen intekenaars.[5] [5]

Verwysings[wysig | wysig bron]