2001: A Space Odyssey (rolprent)
| 2001: A Space Odyssey | |
|---|---|
| Regisseur | Stanley Kubrick |
| Produksieleier | Stanley Kubrick |
| Geskryf deur | Draaiboek: Stanley Kubrick Arthur C. Clarke Roman: Arthur C. Clarke |
| Met | Keir Dullea Gary Lockwood William Sylvester Daniel Richter Leonard Rossiter stem van Douglas Rain |
| Kinematografie | Geoffrey Unsworth |
| Redigeerder | Ray Lovejoy |
| Verspreider | Metro-Goldwyn-Mayer |
| Vrystelling | 6 April 1968 |
| Speeltyd | Premiere weergawe: 170 min Teater weergawe: 141 min |
| Land | Verenigde Konninkryk VSA |
| Taal | Engels |
| Begroting | VS$ 10,5 miljoen |
| Bruto wins | VS$ 191 miljoen |
| Opgevolg deur | 2010 |
| IMDb-profiel | |
2001: A Space Odyssey is 'n deurbraak-rolprent in spesiale effekte wat in 1968 uitgereik is. Die regisseur, Stanley Kubrick, het optiese en meganiese effekte gebruik om sy buitenste-ruimte-epos te skep en dit bly die teksboek van nie-digitale effekte. Blykbaar wou Kubrick die blouskerm-proses vermy en het hy die tegnieke van die stilrolprent-era gebruik waar die rolprente teruggedraai is, geblok is, ensovoorts. In 'n sekere sin is die rolprent met die hand gemaak.
Die effekte aan die einde van die rolprent wat lyk asof dit digitaal is, is verkry deur gebruik te maak van 'n "slit-scan"-kamera wat 'n vertikale rol kunswerke - pop kuns, rekenaar- en bedradingsdiagramme en argitektoniese tekeninge - oor verskillende afstande (van vyf meter tot twee sentimeter) verfilm het. Nadat dit gefotografeer is, is dit teen hoë spoed geprojekteer om 'n duiseling-effek te skep. Hierdie spesiale effekte het 'n Oscar verdien.
