Bespreking:Botswana

Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 30 van 2020 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Naam

Hoekom is dit "Republiek Botswana" en nie "Republiek van Botswana" nie? Vir Suid-Afrika gebruik ons "Republiek van Suid-Afrika". Rooiratel (kontak) 06:19, 24 Februarie 2018 (UTC)

Sover my kennnis strek is "Republiek van Suid-Afrika" 'n fout volgens Gebruiker:Geebee (op Taalkommisie) en "Republiek Botswana" is korrek! Groete! Oesjaar (kontak) 15:29, 24 Februarie 2018 (UTC)

Hmm, volgens die grondwet is die amptelike naam Die "Republiek van Suid-Afrika". En dit sal sin maak dat ander lande se amptelike name die selfde is, "Republiek van ____" Rooiratel (kontak) 04:37, 27 Februarie 2018 (UTC)

Ek sien SpesBona het die naam terug verander na "Republiek Botswana". Hoekom het jy dit gedoen? Kan iemand asseblief vir my verduidelik hoekom dit korrek is? Rooiratel (kontak) 04:55, 10 April 2018 (UTC)

Dis net Namibië en Suid-Afrika wat as amptelike langnaam "Republiek van ..." het, volgens hul grondwette in Afrikaans. Hulle vorm dus die enigste uitsonderinge en vorm nie die reël nie. "Republiek van ..." is 'n foutiewe Anglisisme van die Engels. Al die ander lande is net "Republiek ...", soos Republiek Botswana, dit geld ook vir koninkryke. Groete. -- SpesBona 07:15, 10 April 2018 (UTC)

So ver ek weet is Namibië en Suid-Afrika die enigste lande met 'n grondwet in Afrikaans. So dit lyk vir my asof dit die korrekte taalgebruik is. Jy sê hulle is uitsonderings van 'die reël', maar sê nie wat die reël is nie, en gee nie 'n bron vir die reël nie.– Hierdie ongetekende kommentaar is deur Rooiratel (Bespreking • Bydraes) gelewer.

Hulle is die enigste lande met 'n Afrikaanse grondwet. Die reël is volgens die Taalkommissie. Gebruiker:Geebee100 van die Taalkommissie het reeds artikels volgens hierdie reël verander. Hier het hy die reël op facebook verduidelik. Groete. -- SpesBona 07:45, 10 April 2018 (UTC)

┌────────────────────────────────────────────────────────────────────────────────────────────────────┘ Hier is die teks wat op Facebook verskyn:

Wolf in skaapsklere word skaap! N.a.v. 'n vraag van Annelize oor "Republiek van Suid-Afrika" vs "Republiek die Kongo": Die gebruiklike patroon in Afrikaans is om nie "van" in konstruksies met "Republiek" te gebruik nie - ons verwys dus in die reël na "Republiek die Kongo", "Republiek Ierland" en "Republiek Korea" (amptelik die naam van Suid-Korea). Waarom dan "Republiek van Suid-Afrika"? Wel, toe die naam oorspronklik in 1961 in die Grondwet van die Republiek van Suid-Afrika, Wet nr. 32 van 1961 opgeneem is, is dit (waarskynlik onder Engelse invloed?) opgeneem as "Republiek van Suid-Afrika". En sedertdien is dit hoe ons dit amptelik in Afrikaans skryf! [GerhardVH]

K175 (bespreking | bydraes) 07:52, 10 April 2018 (UTC)

Dankie SpesBona en K175. Rooiratel (kontak) 08:11, 10 April 2018 (UTC)