Bespreking:George Floyd

Reeksmisdadiger

Praat ons hier oor dieselfde man? Was hy 'n reeksmisdadiger en gewapende rower omdat dit sy lewensdoelwit was?

Misdaad is misdaad, en gewapende roofdiefstal traumatiseer slagoffers hul lewe lank. Maar daar is werklik mense wat in hul lewe geen kans gekry het om 'n menswaardige lewe te voer - en om te leer watter menslike waardes daar is nie. Sosialisering en verhoudingsbou vind glad nie plaas in hierdie gesinne nie. Dieselfde geld vir bepaalde Moslemgesinne: As hulle Jodehaters en chauviniste wil grootmaak, is daar geen plek vir hulle in westerse samelewings nie.

Dikwels word medewerkers van die CoS belaglik gemaak as hulle die brosjure The Way to Happiness versprei. Vir mense uit die middelklas is dit moontlik vol van banaliteite. Maar daar is ouers wat só arm is, só buite die gewone samelewing staan dat hulle nie meer 'n kans sien om na hul kinders om te sien nie. As kinders dan nog geslaan word, kry ons maklik 'n nuwe generasie wat geweld as oplossing beskou. Uit die biografie van hierdie man lees ek tenminste dat hy nie net 'n reeksmisdadiger en 'n gewapende rower was nie. Ek stel 'n ander inleiding voor. Voyageur (kontak) 18:06, 23 Junie 2020 (UTC)

@Voyageur: Die inleiding is woord-vir-woord uit die Engels vertaal, behalwe vir die eerste sin, waar ons hom bowenal as 'n reeksmisdadiger en gewapende rower beskryf, terwyl die Engelse weergawe hom as 'n Afro-Amerikaan beskryf. Ek weet nie wat is meer relevant nie – dalk sy ras omdat sy dood rassespanning opgewek het – of dalk sy misdadige geskiedenis wat sy arrestasie en ongelukkige dood tydens laasgenoemde in konteks plaas. – K175 (skil 'n appeltjie) 18:25, 23 Junie 2020 (UTC)

Ek lees in die bron, wat verskaf word, 'n ander konteks:

Floyd was the son of a single mother, who moved to Houston from North Carolina when he was a toddler so she could find work.

Dit sê moontlik alles. Met die minimumloon het sy waarskynlik nie eens 'n kans gehad om in haar en haar seun se lewensonderhoud te voorsien nie. Het sy toegang tot kinderdagsorg en mediese fondse gehad? In watter milieu het haar seun verkeer?

Voyageur (kontak) 18:06, 23 Junie 2020 (UTC)

Jy sal heel waarskynlik soortgelyke details in die lewensverhale van vele ander reeksmisdadigers vind. Kinders wat grootword in disfunksionele huishoudings en van vroeg af trauma ervaar is waarskynlik meer geneig om misdaad te pleeg. Dit beteken natuurlik nie dat ons dit nie in die artikel kan vermeld nie. – K175 (skil 'n appeltjie) 18:32, 23 Junie 2020 (UTC)

Dis hoekom ons versigtig moet wees. Die biografieë van beide lewende en oorlede persone moet so terughoudend en versigtig moontlik bewoord word. Voyageur (kontak) 18:37, 23 Junie 2020 (UTC)

Daar was en is ook baie disfunksionele polisiekantore op aarde. In die 1950's en 1960's was die breine van bepaalde blankes vol van kranksinnige fantasieë oor die beweerde geslagsdrang van swart Amerikaners. In Mississippi is 'n blanke man, wat in begeleiding van 'n jong swart vrou 'n polisiestasie binnegestap het, destyds net gevra "hoeveel keer hy haar die laaste nag dan gevry het". Toe die twee beswaar aangeteken het, is die man gedreig: "Ek het hier 'n mes, en binne vyf sekondes het ek jou penis afgesny as jy nie dadelik padgee nie!" Voordat ek dit vergeet, die polisieman het nog gedreig om die jong vrou self een keer te vry... Mense daar kan trots wees dat so iets deesdae nie meer gebeur nie. Voyageur (kontak) 18:47, 23 Junie 2020 (UTC)