Bespreking:Vrede, Vrystaat

Is ek so tred verloor met goeters dat ek nou nie weet van die kommareël nie? Van wanneer af gebruik ons nie meer hakkies vir die hantering van dubbelsinnigheid nie? --Alias 08:09, 27 Junie 2007 (UTC)

Sover ek weet gebruik plekname kommas, i.p.v. hakkies. Gee my paar 'n gou sekondes om ander voorbeelde te soek. Anrie 08:10, 27 Junie 2007 (UTC)

Sien Kategorie:Dorpe in Suid-Afrika. Anrie 08:10, 27 Junie 2007 (UTC)

Goed, wel, nog voorbeelde wat teen ons riglyne gaan. So wat moet mens dan nou doen? Hoekom is plekname anders as alle ander artikels? My vraag is dan juis hoekom dié tendens bestaan. Ten minste party van daai plekname glo ek nie hoef eens as dubbelsinnig hanteer te word nie. Carnarvon, Ladysmith, Carolina, Swinburn is op die oomblik rooi skakels, omdat die riglyne nie gevolg is nie. Verder, die sagteware het tog spesiale funksionaliteit om artikelname met hakkies mooi te hanteer. Mense sal seker sê dis nou te laat, of ons moet doen soos Engels want Engels is Engels, maar ek vra maar net omdat ek wil verstaan. Dis duidelik dat dit ook nie intuïtief was vir Adriaan nie, anders sou hy dit tog van die begin af hierdie naam gegee het. Maar goed, dit klink asof ek nou moeilik probeer wees, maar ek probeer maar net te verstaan. --Alias 08:33, 27 Junie 2007 (UTC)

Ek glo die tendens is afgelei van die gebruik in algemene skrywes, m.a.w. Parys, Frankryk ens. Ek kan nie nou regtig baie reguit dink nie... jammer. Ek sal môre (of miskien vanaand) 'n beter antwoord kan lewer, asook kommentaar by die dubbelsinnigheidsbespreking. Anrie 08:37, 27 Junie 2007 (UTC)

Wat bedoel jy met "die sagteware het tog spesiale funksionaliteit om artikelname met hakkies mooi te hanteer"? Ek sal nooit sê iets moet op 'n spesifieke manier gedoen word, slegs omdat die en.wp dit so doen nie. Ek het egter gaan loer, en hulle aanvaar beide, dus: X (Y) en X, Y. Kommas lyk vir my skoner en dit lees meer natuurlik en mens skryf dit ook meer natuurlik. Vir my is dit 'n bietjie dieselfde as om te sê "Koningin Anrie I van Nederland" i.p.v. "Koningin Anrie (Nederland)". Ek voel dat, wat plekname betref, hakies onnodig is, aangesien daar, in my ervaring, reeds jare lang na plekke verwys word as X, Y. "hierdie foto is geneem in Berlyn, Duitsland." "Die vergadering was gehou in Dorp X, Kammaland." Waar daar dus dubbelsinnigheid bestaan, lyk dit vir my na die meer natuurlike manier om dubbelsinnigheid aan te wys. Anrie 12:41, 27 Junie 2007 (UTC)

Ek dink die kommareël is spesifiek Anglo-Amerikaans en nie gebruiklik in die meeste Wes-Europese tale soos Frans en Duits nie. Dit is byvoorbeeld Beaconsfield, Quebec in die VSA, maar Beaconsfield (Québec) anderkant die grens. Hakies is dus 'n logiese keuse vir Afrikaanse tekste aangesien ons skryfwyses onafhanklik van Engels moet bly. --Voyageur 16:34, 27 Junie 2007 (UTC)

Het die HAT of die WAT nie iets hieroor te sê nie? Ek bedoel, is dit werklik 'n "reël" wat van taal tot taal verskil, of is dit 'n gebruik wat van taal tot taal verskil, of is dit 'n gebruik wat van projek tot projek, persoon tot persoon verskil? Die gebruik van 'n komma, in my opinie, sal nie veroorsaak dat Afrikaanse skryfwyses afhanklik van Engels word nie. As dit waar was, sou dit geïmpliseer het dat die gebruik van hakies die taal afhanklik van Duits en Frans maak. Afrikaans gebruik reeds by dinge wat "Engels" voorkom vir ander Germaanse tale, net soos hulle dinge gebruik wat as Anglisismes vir ons voorkom.

Wat ek probeer sê, is dat ons nie iets goedsmoeds moet aanvaar net omdat die Duitsers/Franse iets só of só doen nie, net soos ons nie iets moet afskiet omdat dit is hoe die Engelse dit doen nie. Probeer eerder uitvind wat is die reël of die gebruik(e) in Afrikaans en baseer ons beleid daarop. Ek moet erken dat die hakie-storie vir my baie onooglik is en vreemd lyk en dat ek (heel duidelik) daarteen gekant is. Ongelukkig het ek self nie toegang tot enige ander Afrikaanse skrifte nie (behalwe my Storieman), dus kan ek nie self hieraan aandag gee nie. Ek sal my egter daarmee vereenselwig as dit blyk dat ek in die war pik. Anrie 18:13, 27 Junie 2007 (UTC)